ദോഹ: അർഹരായ പ്രവാസികൾക്ക് നാടണയാൻ സൗജന്യമായി വിമാനടിക്കറ്റുകൾ നൽകാനായി ‘ഗൾഫ് മാധ്യമ’വും മീഡിയ വണ്ണും ചേർന്നൊരുക്കിയ ‘മിഷൻ വിങ്സ് ഒാഫ് കംപാഷൻ’ പദ്ധതിയുമായി സഹകരിച്ച് കൂടുതൽ ഉദാരമനസ്കർ. പദ്ധതിയിലേക്ക് ദോഹയിലെ പ്രമുഖ ബിസിനസുകാരായ ഡേ നൈറ്റ് ഫുഡ് സെൻറർ (ഇ.കെ ആൻഡ് ടി.പി ഗ്രൂപ്പ്) പത്ത് വിമാനടിക്കറ്റുകൾ നൽകി.
ദോഹയിലെ ബിസിനസ് രംഗത്തെ വിശ്വസ്തനാമമാണ് ഇ.കെ ആൻഡ് ടി.പി ഗ്രൂപ്പ്. പദ്ധതിയിൽ പങ്കാളികളാകുന്നതിൽ ഏറെ അഭിമാനമുെണ്ടന്ന് ഗ്രൂപ്പ് അധികൃതർ അറിയിച്ചു. കോവിഡുമായി ബന്ധപ്പെട്ട പ്രതിസന്ധിയിൽ കുടുങ്ങിയ നാട്ടിലേക്ക് തിരിച്ചുപോകാൻ ആഗ്രഹിക്കുന്ന പ്രവാസികളെ സഹായിക്കാനാണ് പദ്ധതി. വിമാനടിക്കറ്റിന് പണമില്ലെന്ന കാരണത്താൽ കഷ്ടപ്പെടുന്ന പ്രവാസികൾക്ക് ‘വിങ്സ് ഒാഫ് കംപാഷൻ’ പദ്ധതിയിലൂടെ സൗജന്യ വിമാനടിക്കറ്റ് നൽകും.
ഇന്ത്യൻ എംബസിയിൽ പേര് ചേർത്ത് യാത്രക്ക് തെരഞ്ഞെടുക്കപ്പെട്ടവർക്കാണ് അർഹത.
കോവിഡിന്റെ പശ്ചാത്തലത്തിൽ ഇന്ത്യക്കാരെ നാട്ടിലെത്തിക്കാൻ ഇന്ത്യൻ സർക്കാർ അയക്കുന്ന പ്രത്യേക വിമാനങ്ങളിൽ യാത്രക്ക് തെരഞ്ഞെടുക്കപ്പെട്ടിട്ടും ടിക്കറ്റിന് പണമില്ലാതെ നിരവധി പേരാണ് കഷ്ടപ്പെടുന്നത്.
നന്മ വറ്റാത്ത പ്രവാസി സമൂഹവും വ്യവസായ നായകരും നിശബ്ദ സേവകരും കൈകോർത്താണ് ‘വിങ്സ് ഒാഫ് കംപാഷൻ’ പദ്ധതി യാഥാർത്ഥ്യമാക്കുന്നത്. പദ്ധതിയുമായി സഹകരിക്കാൻ താൽപര്യമുള്ളവർക്ക് ഖത്തറിൽ 00974 5509 1170 നമ്പറിൽ വാട്സ്ആപ്പ് ചെയ്യാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.