1. ഐഷ ബിനോയ് ഇസ്മായിൽ (ശാന്തിനികേതൻ) 2. സഫ്ന സുമയ്യ (എ.എം.ഐ ദോഹ) 3. അംന നസ്മിൻ (ശാന്തിനികേതൻ) 4. മാസിൻ അജ്മൽ (എ.എം.ഐ ദോഹ) 5. മിഷാൽ മുഹമ്മദ് (എ.എം.ഐ ദോഹ) 6. അമീൻ റസീം (ശാന്തിനികേതൻ) 7. മൻഹ മുഹമ്മദ് (ശാന്തിനികേതൻ) 8. മുഹമ്മദ് വാസിൽ (ശാന്തിനികേതൻ) 9. ഇൽഹാം അഹ്ലാം (ബിൻ ഉംറാൻ) 10. ഐഷ മനാർ (ശാന്തിനികേതൻ) 11. ഫഹ്മി അഹ്മദ് (അൽ ഖോർ) 12. നബ്ഹ മുജീബ് (ബിൻ ഉംറാൻ) 13. ലാമിയ അബ്ദുൽ മനാഫ് (ശാന്തിനികേതൻ)
ദോഹ: കേരള മദ്റസ എജുക്കേഷൻ ബോർഡ് (കെ.എം.ഇ.ബി) ഏപ്രിൽ മാസത്തിൽ നടത്തിയ ഏഴാം ക്ലാസ് പൊതു പരീക്ഷയിൽ ഖത്തറിലെ അല് മദ്റസ അല് ഇസ്ലാമിയ സ്ഥാപനങ്ങൾക്ക് മികച്ച വിജയം. അൽ മദ്റസ അൽ ഇസ്ലാമിയ ശാന്തിനികേതൻ വക്റയിലെ ഐഷ ബിനോയ് ഇസ്മായിൽ, അൽ മദ്റസ അൽ ഇസ്ലാമിയ ദോഹയിലെ സഫ്ന സുമയ്യ എന്നിവർ 450ൽ 447 മാർക്ക് വീതം നേടി മജ്ലിസ് സ്റ്റേറ്റ് ടോപ്പേഴ്സിൽ മൂന്നാം സ്ഥാനം കരസ്ഥമാക്കി.
വക്റ ശാന്തിനികേതൻ മദ്റസയിലെ അംന നസ്മിൻ (446), അൽ മദ്റസ അൽ ഇസ്ലാമിയ ദോഹയിലെ മാസിൻ അജ്മൽ (445), മിഷാൽ മുഹമ്മദ് (445) എന്നിവർ മജ്ലിസ് സ്റ്റേറ്റ് ടോപ്പേഴ്സ് ലിസ്റ്റിൽ നാലും അഞ്ചും സ്ഥാനങ്ങൾ നേടി. നാല് മദ്റസകളിലായി ആകെ 192 വിദ്യാർഥികളാണ് ഇത്തവണ പൊതു പരീക്ഷ എഴുതിയത്.
ആകെ 103 വിദ്യാർഥികൾ പരീക്ഷയെഴുതിയ അൽ മദ്റസ അൽ ഇസ്ലാമിയ ശാന്തിനികേതൻ വക്റ 100 ശതമാനം വിജയം നേടി. ഏഴ് വിദ്യാർഥികൾ മജ്ലിസ് സ്റ്റേറ്റ് ടോപ്പേഴ്സ് ലിസ്റ്റിൽ ഇടം പിടിച്ചു. 42 വിദ്യാർഥികൾ എ പ്ലസ് ഗ്രേഡും 42 പേർ എ ഗ്രേഡും നേടി.
66 വിദ്യാർഥികൾ പരീക്ഷയെഴുതിയ അൽ മദ്റസ അൽ ഇസ്ലാമിയ ദോഹയിൽ മൂന്ന് പേർ മജ്ലിസ് സ്റ്റേറ്റ് ടോപ്പേഴ്സ് ലിസ്റ്റിൽ ഇടം പിടിച്ചപ്പോൾ, 14 പേർ എ പ്ലസ് ഗ്രേഡും 18 വിദ്യാർഥികൾ എ ഗ്രേഡും നേടി. അൽ മദ്റസ അൽ ഇസ്ലാമിയ ബിൻ ഉംറാൻ 14 വിദ്യാർഥികളെ പരീക്ഷക്കിരുത്തി 100 ശതമാനം വിജയം കൈവരിച്ചു. ഇവിടെ രണ്ടു പേർ മജ്ലിസ് സ്റ്റേറ്റ് ടോപ്പേഴ്സിൽ ഉൾപ്പെട്ടപ്പോൾ ആറ് പേർ എ പ്ലസ് ഗ്രേഡും മൂന്ന് പേർ എ ഗ്രേഡും നേടി.
അൽ മദ്റസ അൽ ഇസ്ലാമിയ അൽഖോറിൽ ഒരു വിദ്യാർഥി മജ്ലിസ് സ്റ്റേറ്റ് ടോപ്പേഴ്സിൽ ഇടം പിടിച്ചപ്പോൾ മൂന്ന് എ പ്ലസ് ഗ്രേഡ്, അഞ്ച് എ ഗ്രേഡ് എന്നിവയോടൊപ്പം 100 ശതമാനം വിജയം കരസ്ഥമാക്കി. ആകെ ഒമ്പത് വിദ്യാർഥികളാണ് ഇവിടെ പരീക്ഷയെഴുതിയത്. കേരളത്തിന് പുറമെ മറ്റ് സംസ്ഥാനങ്ങളിൽ നിന്നും ഗൾഫ് നാടുകളിൽ നിന്നുമായി നാലായിരത്തോളം വിദ്യാർഥികൾ പരീക്ഷ എഴുതിയതിൽ ഏറ്റവും കൂടുതല് എ പ്ലസ്, എ ഗ്രേഡ് എന്നിവ നേടിയ സ്ഥാപനമെന്ന ബഹുമതി വക്റ ശാന്തിനികേതൻ മദ്റസക്കു ലഭിച്ചു.
തിളക്കമാർന്ന വിജയം നേടിയ വിദ്യാര്ഥികളെയും നേതൃത്വം നൽകിയ അധ്യാപകരെയും രക്ഷിതാക്കളെയും സെന്റർ ഫോർ ഇന്ത്യൻ കമ്യൂണിറ്റി പ്രസിഡന്റ് ടി.കെ ഖാസിം, മദ്റസ എജുക്കേഷൻ ബോർഡ് ഹെഡ് അർഷദ് ഇ, ഡയറക്ടർ മുഈനുദ്ധീൻ, മദ്റസ എജുക്കേഷൻ ബോർഡ് അംഗങ്ങൾ, മദ്റസ പ്രിൻസിപ്പൽമാരായ ഡോ.അബ്ദുൽ വാസിഹ്, എം.ടി. ആദം, കെ.എൻ മുജീബ് റഹ്മാൻ, മുജീബ് റഹ്മാൻ കൊടിയത്തൂർ, തുടങ്ങിയവർ അനുമോദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.