ദോഹ: പാലക്കാട് ചെർപ്പുളശ്ശേരി സ്വദേശി ഖത്തറിൽ ഹൃദയാഘാതത്തെ തുടർന്ന് നിര്യാതനായി. ചെര്പ്പുളശ്ശേരി മഠത്തിപറമ്പ് കാഞ്ഞിരകുണ്ടില് ഷാജി മുഹമ്മദാണ് (48) മരിച്ചത്. മാർക്കറ്റിങ് മേഖലയിൽ ജോലി ചെയ്യുകയായിരുന്നു. ചെർപ്പുളശ്ശേരി കാത്തിരക്കുണ്ടില് കുഞ്ഞിമുഹമ്മദിന്റെയും ഖദീജയുടേയും മകനാണ്. സുനീറയാണ് ഭാര്യ. ഷഹാന, സന എന്നിവര് മക്കള്.
ദുബൈ, മലേഷ്യ തുടങ്ങിയ സ്ഥലങ്ങളില് പ്രവാസിയായിരുന്ന ഷാജി മൂന്ന് വര്ഷത്തോളമായി ഖത്തറിലുണ്ട്. അൽ വക്രയിലായിരുന്നു താമസം. വക്ര ആശുപത്രിയിൽ സൂക്ഷിച്ച മൃതദേഹം നടപടിക്രമങ്ങള് പൂര്ത്തിയാക്കിയ ശേഷം നാട്ടിലെത്തിക്കാനുള്ള ശ്രമത്തിലാണെന്ന് കെ.എം.സി.സി മയ്യിത്ത് പരിപാലന കമ്മറ്റി അല് ഇഹ്സാന് ഭാരവാഹികള് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.