ഗ്രാൻഡ് മാൾ ഹൈപ്പർമാർക്കറ്റിലെ ‘ബയ് ആൻഡ് ഗെറ്റ് കാഷ് ആൻഡ് കാർ’ മെഗാ പ്രമോഷൻ ആദ്യഘട്ട വിജയികളുടെ നറുക്കെടുപ്പ് ചടങ്ങിൽ റീജനൽ ഡയറക്ടർ അഷ്റഫ് ചിറക്കൽ,
വാണിജ്യ മന്ത്രാലയം പ്രതിനിധിക്കൊപ്പം.
ദോഹ: രാജ്യത്തെ മുൻനിര ഹൈപ്പർമാർക്കറ്റ് ശൃംഖലയായ ഗ്രാൻഡ് മാൾ ഹൈപ്പർമാർക്കറ്റിലെ ‘ബയ് ആൻഡ് ഗെറ്റ് കാഷ് ആൻഡ് കാർ’ മെഗാ പ്രമോഷൻ ആദ്യഘട്ട വിജയികളെ തിരഞ്ഞെടുത്തു. ഏഷ്യൻ ടൗണിൽ നടന്ന ചടങ്ങിൽ ഖത്തർ വാണിജ്യവിഭാഗം ഉദ്യോഗസ്ഥൻ 15 വിജയികളെ നറുക്കെടുപ്പിലൂടെ തിരഞ്ഞെടുത്തു.
15 ഭാഗ്യശാലികൾക്ക് 5000 ഖത്തർ റിയാലാണ് സമ്മാനമായി ലഭിക്കുന്നത്. 2025 ഏപ്രിൽ ഒന്നിന് തുടങ്ങി ജൂൺ 21 വരെ തുടരുന്ന റാഫിൾ പ്രമോഷനിലൂടെ ഉപഭോക്താക്കൾക്ക് പുതിയ മോഡൽ ജെറ്റൂർ ടി2 കാറും രണ്ടു ലക്ഷം റിയാൽ സമ്മാനവും നേടാനുള്ള അവസരമാണുള്ളത്. 15 ഭാഗ്യശാലികൾക്കായുള്ള അടുത്ത ലക്കി ഡ്രോ മേയ് 25 നും 10 പേർക്കായുള്ള അവസാന ഘട്ട നറുക്കെടുപ്പ് ജൂൺ 21നും നടക്കും. ഖത്തറിലെ ഗ്രാൻഡ് ഹൈപ്പർമാർക്കറ്റ്, ഗ്രാൻഡ് എക്സ്പ്രസ് ഔട്ട്ലറ്റ് എന്നിവടങ്ങളിൽനിന്നും 50 റിയലിനോ അതിനു മുകളിലോ ഷോപ്പിങ് നടത്തുമ്പോൾ ലഭിക്കുന്ന റാഫിൾ കൂപ്പൺ വഴി എല്ലാ കസ്റ്റമേഴ്സിനും സമ്മാന പദ്ധതിയിൽ പങ്കെടുക്കാവുന്നതാണ്. ലക്കി ഡ്രോ വേളയിൽ ഗ്രാൻഡ് മാൾ റീജനൽ ഡയറക്ടർ അഷ്റഫ് ചിറക്കൽ, സി.ഇ.ഒ ശരീഫ് ബി.സി, അഡ്മിൻ മാനേജർ നിതിൽ, ഏരിയ മാനേജർ ബഷീർ പരപ്പിൽ, പി.ആർ മാനേജർ സിദ്ദീഖ്, മാർക്കറ്റിങ് മാനേജർ ഷംസീർ, മാൾ മാനേജർ നവാബ് എന്നിവർ പങ്കെടുത്തു.
ഉപഭോക്താക്കൾക്ക് ആകർഷകമായ ഷോപ്പിങ് അനുഭവം സമ്മാനിക്കുകയും, ഗുണനിലവാരവും വിശ്വാസ്യതയും ഉറപ്പു വരുത്തുകയും ചെയ്യുക എന്നതാണ് ഗ്രാൻഡ് ഹൈപ്പർമാർക്കറ്റിന്റെ ലക്ഷ്യമെന്ന് റീജനൽ ഡയറക്ടർ അഷ്റഫ് ചിറക്കൽ പറഞ്ഞു. ഈ ഓഫറുകൾ എല്ലാ ഉപയോക്താക്കളും പരമാവധി ഉപയോഗപ്പെടുത്തണമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.