ദോഹ: കോവിഡ്–19 പ്രതിരോധ പ്രവർത്തനങ്ങളിൽ നിർണായക ഘടകമായ സാമൂഹിക അകലം പാലിക്കുന്നത് അവഗണിക്കുകയാണെങ്കിൽ അപകടം ക്ഷണിച്ച് വരുത്തുമെന്ന് ഗവൺമെൻറ് കമ്മ്യൂണിക്കേഷൻ ഓഫീസ് (ജി.സി.ഒ) മുന്നറിയിപ്പ് നൽകി.രോഗ ബാധിതരായ ആളുകളുമായി സമ്പർക്കം പുലർത്തുന്നതാണ് കോവിഡ്–19 വ്യാപനത്തിലെ പ്രധാന കാരണം. സാമൂഹിക അകലം പാലിക്കുന്നതിൽ വീഴ്ച വരുത്തിയാൽ അത് സമൂഹത്തെ കൂടിയാണ് അപകടത്തിൽ പെടുത്തുന്നത്. സാമൂഹിക അകലം പാലിക്കുന്നതിലൂടെ സ്വന്തത്തെയും സമൂഹത്തെയും സുരക്ഷിതരാക്കാം. കോവിഡ്–19 രോഗവ്യാപനം തടയുന്നതിൽ ഇഹ്തിറാസ് ആപ്പിെൻറ പങ്ക് വലുതാണെന്നും ജി.സി.ഒ പറഞ്ഞു.ജനങ്ങൾക്കിടയിൽ സാമൂഹിക ശാരീരിക സമ്പർക്കം ഒഴിവാക്കുന്നതിലൂടെ മാത്രമേ രോഗവ്യാപനം തടയാൻ സാധിക്കൂ. ഇത് അവഗണിക്കുന്നതിലൂടെ അപകടം ക്ഷണിച്ച് വരുത്തുകയാണെന്നും അധികൃതർ മുന്നറിയിപ്പ് നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.