മധ്യേഷ്യയിലെ ഏറ്റവും തിരക്കേറിയ വിമാനത്താവളമായി ദോഹ

ദോഹ: കോവിഡ്​ കാലത്ത്​ ജി.സി.സിയിലെയും മറ്റും വിമാനത്താവളങ്ങൾ അടഞ്ഞും തിരക്കൊഴിഞ്ഞും കിടന്നപ്പോൾ യാത്രക്കാരെ ​ഇരുകൈയും നീട്ടി സ്വാഗതം ചെയ്​ത ഖത്തറിന്​ മറ്റൊരംഗീകാരം കൂടി. കോവിഡ്​ വ്യാപനത്തിനിടയിലും കാര്യക്ഷമമായ സുരക്ഷാ സംവിധാന​ങ്ങൾ ഒരുക്കിയും ആരോഗ്യ രക്ഷ മാർഗങ്ങൾ മെച്ചപ്പെടുത്തിയും ​യാത്രക്ക്​ അവസരമൊരുക്കിയ ദോഹ ഹമദ്​ രാജ്യാന്തര വിമാനത്താവളം മധ്യേഷ്യയിലെ ഏറ്റവും തിരക്കേറിയ വിമാനത്താവളമായി. ട്രാവൽ അനലിറ്റിക്​സ്​ സ്ഥാപനമായ ഫോർവേഡ്​ കീസിൻെറ റിപ്പോർട്ടി​ലാണ്​ ഹമദിനെ മേഖലയിലെ ഏറ്റവും തിരക്കുള്ള വിമാനത്താവളമായി തെരഞ്ഞെടുത്തത്​.

കോവിഡ്​ സുരക്ഷ സംവിധാനങ്ങൾ പാലിച്ചും, ഏറ്റവും നൂതന സാ​ങ്കേതികവിദ്യകൾ ഉപയോഗപ്പെടുത്തിയും യാത്ര എളുപ്പമാക്കിയതുകൂടി പരിഗണിച്ചാണ്​ ദോഹ ഏറ്റവും തിരക്കേറിയ വ്യോമ താവളമായി മാറിയത്​. ദുബൈയുടെ പേരിലുണ്ടായിരുന്ന റെക്കോഡ്​ മറികടന്നാണ്​ ഹമദ്​ വിമാനത്താവളം തിരക്കേറിയ കേന്ദ്രമായി മാറിയത്​. 2021 ജനുവരി ഒന്നു മുതൽ ജൂൺ 30 വരെയുള്ള കണക്കുപ്രകാരം, ദുബൈയെക്കാൾ യാത്രക്കാര​ുടെ എണ്ണം 18 ശതമാനം ദോഹ വഴി വർധിച്ചു. നിലവിലെ ബുക്കിങ്​ ​റേറ്റ്​ പ്രകാരം അടുത്ത ആറു മാസത്തേക്കും ദോഹ ഏറെ മുന്നിലാണ്​. ദു​ൈബയെക്കാൾ 17 ശതമാനത്തിലേറെ കൂടുതലാണിത്​.

കോവിഡ്​ മഹാമാരിക്കാലത്ത്​ മറ്റു വിമാനത്താവളങ്ങളെല്ലാം ഭാഗികമായോ പൂർണമായോ അടഞ്ഞു കിടന്ന​േപ്പാൾ ദോഹ രാജ്യാന്തര യാത്രകൾക്ക്​ അവസരമൊരുക്കിയതും ബഹ്​റൈൻ, ഈജിപ്​ത്​, സൗദി, യു.എ.ഇ എന്നിവ മൂന്നര വർഷത്തെ ഉപരോധം അവസാനിപ്പിച്ച്​, നയതന്ത്ര ബന്ധം പുനഃസ്ഥാപിച്ചതും ദോഹക്ക്​ നേട്ടമാ​യെന്ന്​ 'ഫോർവേഡ്​ കീസിൻെറ' പഠന റിപ്പോർട്ടിൽ വ്യക്തമാക്കുന്നു.