ദോഹ: രാജ്യത്ത് ഇന്നലെ പുതിയ കോവിഡ് രോഗികൾ 313 മാത്രം. ദിനേന രോഗികൾ കുറഞ്ഞുവരുകയാണ്. കോവിഡ് ബാധിച്ച് ചികിത്സയിലായിരുന്ന ഒരാൾ കൂടി വ്യാഴാഴ്ച മരിച്ചു. 62 വയസ്സുള്ളയാളാണ് മരിച്ചതെന്ന് ആരോഗ്യമന്ത്രാലയം അറിയിച്ചു. ഇതോടെ ആകെ മരണം 539 ആയി. ഇന്നലെ രോഗം സ്ഥിരീകരിച്ചവരിൽ 208 പേർ സമ്പർക്കം മൂലം രോഗം ബാധിച്ചവരാണ്. 105 പേർ വിദേശത്തുനിന്ന് തിരിച്ചെത്തിയവരുമാണ്. 522 പേർക്ക് ഇന്നലെ രോഗമുക്തിയുണ്ടാവുകയും ചെയ്തു. നിലവിലുള്ള ആകെ രോഗികൾ 4151 ആണ്. ഇന്നലെ 17127 പേർക്കാണ് പരിശോധന നടത്തിയത്.
ആകെ 1985181 പേരെ പരിശോധിച്ചപ്പോൾ 214463 പേർക്കാണ് ഇതുവരെ വൈറസ്ബാധയുണ്ടായത്. മരിച്ചവരും രോഗം ഭേദമായവരും ഉൾെപ്പടെയാണിത്. ഇതുവരെ ആകെ 209773 പേർക്കാണ് രോഗമുക്തിയുണ്ടായത്. 315 പേരാണ് ആശുപത്രികളിൽ ചികിത്സയിലുള്ളത്. 21 പേർ തീവ്രപരിചരണവിഭാഗത്തിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.