അൽഖോർ മൃഗശാലയിൽ ആഫ്രിക്കൻ സിംഹക്കുഞ്ഞ്​ പിറന്നു

ദോഹ: അൽഖോർ ഫാമിലി പാർക്കിലെ മൃഗശാലയിൽ ആഫ്രിക്കൻ സിംഹക്കുഞ്ഞ്​ പിറന്നു. മുനിസിപ്പാലിറ്റി പരിസ്ഥിതി മന്ത്രാലയമാണ്​ ഇക്കാര്യം അറിയിച്ചത്​. എല്ലാതരത്തിലുള്ള ചികിത്സയും കരുതലും സിംഹക്കുഞ്ഞിന്​ നൽകുന്നുണ്ട്​.മൂന്നുമാസക്കാലം കുപ്പിപ്പാൽ കുടിക്കുന്ന കുഞ്ഞിന്​ മൂന്നാംമാസം മുതൽ ആഹാരം നൽകിത്തുടങ്ങും.

നവീകരണത്തിന് ശേഷം ഈ വർഷം ആദ്യത്തിലാണ്​ അൽഖോർ ഫാമിലി പാർക്ക് വീണ്ടും കുടുംബങ്ങൾക്ക്​ തുറന്നുകൊടുത്തത്​.32 മില്യൻ റിയാലിെൻറ നവീകരണ പ്രവർത്തനങ്ങളാണ് നടന്നത്. 49 വർഗങ്ങളിൽനിന്നായി 315 മൃഗങ്ങളും പക്ഷികളുമുൾപ്പെടെ മിനി മൃഗശാലയാണ് അൽഖോർ ഫാമിലി പാർക്കിെൻറ സവിശേഷത. കണ്ടാമൃഗം, ജിറാഫ്, മുതല, കരടി, കടുവ, ചീറ്റപ്പുലി തുടങ്ങിയവ ഇവിടെയുണ്ട്​. കാഴ്​ചക്കാർക്ക്​ കൗതുകമേകാൻ പാണ്ടകളും ഉടൻ എത്തും. പാണ്ടകൾക്കായുള്ള പ്രത്യേക ആവാസസ്ഥലം ഒരുക്കുന്നതിനായി പൊതുമരാമത്ത് വകുപ്പ് അശ്ഗാൽ ഈയടുത്ത്​ ടെൻഡർ ക്ഷണിച്ചിരുന്നു.