ഐ.സി.ബി.എഫ് മാനേജ്മെന്റ് കമ്മിറ്റി അംഗം റഷീദ് അഹമ്മദ്, ഐ.എസ്.സി മാനേജ്മെന്റ് കമ്മിറ്റി അംഗം അസീം എം.ടി എന്നിവർക്ക് പ്രവാസി വെൽഫെയർ കോട്ടയം, കൊല്ലം ജില്ല കമ്മറ്റികളുടെ സംയുക്താഭിമുഖ്യത്തിൽ നല്കിയ സ്വീകരണം
ദോഹ: ഇന്ത്യന് എംബസിക്ക് കീഴിലെ അപെക്സ് ബോഡിയിലേക്ക് നടന്ന തെരഞ്ഞെടുപ്പില് ഐ.സി.ബി.എഫ് മാനേജ്മെന്റ് കമ്മിറ്റി അംഗമായി തെരഞ്ഞെടുക്കപ്പെട്ട റഷീദ് അഹ്മദ്, ഐ.എസ്.സി മാനേജ്മെന്റ് കമ്മിറ്റി അംഗമായി തെരഞ്ഞെടുക്കപ്പെട്ട അസീം എം.ടി എന്നിവർക്ക് പ്രവാസി വെൽഫെയർ കോട്ടയം, കൊല്ലം ജില്ല കമ്മറ്റികളുടെ സംയുക്താഭിമുഖ്യത്തിൽ സ്വീകരണം നൽകി. പ്രവാസി വെൽഫെയർ സംസ്ഥാന പ്രസിഡന്റ് ആര് ചന്ദ്രമോഹനൻ ഉദ്ഘാടനം നിർവഹിച്ചു.
സംസ്ഥാന വൈസ് പ്രസിഡന്റ് അനീസ് റഹ്മാന് മാള, കൊല്ലം ജില്ല പ്രസിഡന്റ് മൻസൂർ, സ്കിയ ജനറൽ സെക്രട്ടറി നാസറുദ്ദീൻ, കിംസ് കാഞ്ഞിരപ്പള്ളി അസോസിയേഷൻ പ്രതിനിധി സുഹൈൽ, അൻകർ, പ്രവാസി വെൽഫെയർ കോട്ടയം ജില്ലാ കമ്മറ്റിയംഗം നജീം ഇസ്മായിൽ, സൈഫുദ്ദീൻ, സജീന, റഫീക് കൊല്ലം, അനീഷ് മുഹമ്മദ് തുടങ്ങിയവര് സംസാരിച്ചു.
പ്രവാസി വെൽഫെയർ കോട്ടയം ജില്ല പ്രസിഡന്റ് സഹീർ അബ്ദുൽ കരീം അധ്യക്ഷത വഹിച്ചു. റഷീദ് അഹ്മദും അസീം എം.ടിയും മറുപടി പ്രസംഗം നടത്തി. പ്രവാസി വെൽഫെയർ സംസ്ഥാന പ്രസിഡന്റ് ആര് ചന്ദ്രമോഹനൻ ഇരുവരെയും പൊന്നാട അണിയിച്ചു. കൊല്ലം ജില്ലാ സെക്രട്ടറി ഷിബു ഹംസ ചടങ്ങിന് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.