യു.എൻ സംവിധാനം പരിഷ്‍കരിക്കണം -ഒമാൻ

മ​സ്ക​ത്ത്: വ​ർ​ധി​ച്ചു​വ​രു​ന്ന ആ​ഗോ​ള​വെ​ല്ലു​വി​ളി​ക​ൾ​ക്കി​ട​യി​ൽ യു.​എ​ൻ സം​വി​ധാ​ന​ത്തി​ൽ അ​ടി​യ​ന്ത​ര പ​രി​ഷ്കാ​ര​ങ്ങ​ളും അ​ന്താ​രാ​ഷ്ട്ര ഐ​ക്യ​ദാ​ർ​ഢ്യ​വും ഉ​ണ്ടാ​വ​ണ​മെ​ന്ന് ഒ​മാ​ൻ വി​ദേ​ശ​കാ​ര്യ​മ​ന്ത്രി സ​യ്യി​ദ് ബ​ദ​ർ ഹ​മ​ദ് അ​ൽ​ബു​സൈ​ദി. ഐ​ക്യ​രാ​ഷ്ട്ര​സ​ഭ സ്ഥാ​പി​ത​മാ​യ​തി​ന്റെ 80ാം വാ​ർ​ഷി​ക​ത്തോ​ട​നു​ബ​ന്ധി​ച്ച് സു​ൽ​ത്താ​ന്റെ ഉ​ന്ന​ത നി​ർ​ദേ​ശ​പ്ര​കാ​രം ഐ​ക്യ​രാ​ഷ്ട്ര​സ​ഭ​യു​ടെ ഔ​ദ്യോ​ഗി​ക​വേ​ദി​ക​ളി​ൽ പ്ര​സി​ദ്ധീ​ക​രി​ച്ച സ​ന്ദേ​ശ​ത്തി​ലാ​ണ് ഇ​ക്കാ​ര്യം ആ​വ​ശ്യ​പ്പെ​ട്ട​ത്. യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സി​ന് സു​ൽ​ത്താ​ന്റെ ആ​ശം​സ​ക​ൾ നേ​ർ​ന്നാ​ണ് അ​ദ്ദേ​ഹം ആ​രം​ഭി​ച്ച​ത്.

അ​ന്താ​രാ​ഷ്ട്ര ബ​ന്ധ​ങ്ങ​ളു​ടെ മൂ​ല​ക്ക​ല്ലാ​യി ഐ​ക്യ​രാ​ഷ്ട്ര​സ​ഭ​യു​ടെ പ​ങ്കി​ലു​ള്ള ഒ​മാ​ന്റെ അ​ച​ഞ്ച​ല​മാ​യ വി​ശ്വാ​സം മ​ന്ത്രി എ​ടു​ത്തു​പ​റ​ഞ്ഞു. സം​ഘ​ർ​ഷ​പ​രി​ഹാ​ര​ത്തി​നും മ​നു​ഷ്യ​ക്ഷേ​മ​ത്തി​ന്റെ പു​രോ​ഗ​തി​ക്കു​മു​ള്ള സു​പ്ര​ധാ​ന സ്ഥാ​പ​ന​മാ​ണി​ത്. നീ​തി​യു​ടെ​യും സ​മാ​ധാ​ന​ത്തി​ന്റെ​യും ഒ​രു ദീ​പ​സ്തം​ഭ​മാ​ണ് ഐ​ക്യ​രാ​ഷ്ട്ര​സ​ഭ​യെ​ന്നും അ​ദ്ദേ​ഹം വി​ശേ​ഷി​പ്പി​ച്ച​ു. ലോ​കം സ​ങ്കീ​ർ​ണ​മാ​യ പ്ര​തി​സ​ന്ധി​ക​ളെ​യും അ​സ്ഥി​ര​ത​യെ​യും അ​ഭി​മു​ഖീ​ക​രി​ക്കു​ന്ന സ​മ​യ​ത്താ​ണ് ഈ ​വാ​ർ​ഷി​കാ​ച​ര​ണം.

അ​ന്താ​രാ​ഷ്ട്ര സ​മൂ​ഹം ഈ ​വെ​ല്ലു​വി​ളി​ക​ളെ പു​തി​യ ദൃ​ഢ​നി​ശ്ച​യ​ത്തോ​ടെ​യും ശ​ക്ത​മാ​യ ഐ​ക്യ​ദാ​ർ​ഢ്യ​ത്തോ​ടെ​യും മ​റി​ക​ട​ക്കു​മെ​ന്നും കൂ​ടു​ത​ൽ സു​ര​ക്ഷി​ത​വും സു​സ്ഥി​ര​വു​മാ​യ ഒ​രു ഭാ​വി​യി​ലേ​ക്ക് വ​ഴി​യൊ​രു​ക്കു​മെ​ന്നും ഒ​മാ​ൻ പ്ര​തീ​ക്ഷി​ക്കു​ന്നു.

അ​തി​വേ​ഗം വി​ക​സി​ച്ചു​കൊ​ണ്ടി​രി​ക്കു​ന്ന ലോ​ക​ത്ത് ഐ​ക്യ​രാ​ഷ്ട്ര​സ​ഭ​യു​ടെ ഘ​ട​ന ഫ​ല​പ്ര​ദ​മാ​യി തു​ട​രു​ന്ന​ത് ഉ​റ​പ്പാ​ക്കാ​ൻ ആ​ധു​നി​ക​വ​ത്ക​ര​ണം ആ​വ​ശ്യ​മാ​ണ്.

എ​ല്ലാ രാ​ജ്യ​ങ്ങ​ൾ​ക്കി​ട​യി​ലും നീ​തി​യും തു​ല്യ പ​ങ്കാ​ളി​ത്ത​വും പ്രോ​ത്സാ​ഹി​പ്പി​ക്കു​ന്ന​തി​ന് ആ​ഗോ​ള വ​ട​ക്ക​ൻ, തെ​ക്ക​ൻ ശ​ബ്ദ​ങ്ങ​ൾ​ക്കി​ട​യി​ൽ ഒ​രു യ​ഥാ​ർ​ഥ സ​ന്തു​ലി​താ​വ​സ്ഥ കൈ​വ​രി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.