സലാല: തലശ്ശേരി അസോസിയേഷൻ സലാലയിൽ ഭക്ഷ്യ മേള സംഘടിപ്പിക്കുന്നു. ‘തലശ്ശേരി തക്കാരം’ എന്നു പേരിട്ടിരിക്കുന്ന മേള ഇൗ മാസം 12ന് വൈകീട്ട് 6.30 മുതൽ സലാല ഇന്ത്യൻ സോഷ്യൽ ക്ലബ് മൈതാനിയിലാണ് നടക്കുക. തലശ്ശേരി ദം ബിരിയാണി, അലീസ, മുട്ടമാല, കക്കറൊട്ടി, മീൻ പത്തൽ, കല്ലുമ്മക്കായ, ഇറച്ചി പത്തൽ, കോഴിയട, ഉന്നക്കായ തുടങ്ങി കൊതിയൂറും വിഭങ്ങൾ മേളയിൽ ലഭ്യമാക്കുമെന്ന് സംഘാടകർ അറിയിച്ചു.
മേളയുടെ ഉദ്ഘാടനം നിർവഹിക്കുന്നത് ഐ.എസ്.സി ചെയർമാൻ മൻപ്രീത് സിങ്ങാണ്. പ്രധാന ഭക്ഷ്യവിഭവങ്ങളെല്ലാം പ്രവർത്തകരുടെ വിടുകളിൽനിന്ന് പാചകം ചെയ്ത് കൊണ്ടുവരുവാനാണ് ഉദ്ദേശിക്കുന്നതെന്നും ഭാരവാഹികൾ പറഞ്ഞു. ഭക്ഷ്യമേളയുടെ നടത്തിപ്പിനായി വിശാലമായ കമ്മിറ്റി രൂപവത്കരിച്ചിട്ടുണ്ട്. പി.വി.ഹംസ ചെയർമാനും ഷബീർ കെ. കൺവീനറും ഫെബിന ഷബീർ വനിത വിങ് കൺവീനറുമാണ്. കഴിഞ്ഞ മൂന്നു പതിറ്റാണ്ടോളമായി ജീവകാരുണ്യരംഗത്ത് പ്രവർത്തിക്കുന്ന സലാലയിലെ തലശ്ശേരി നിവാസികളുടെ കൂട്ടായ്മയാണ് തലശ്ശേരി അസോസിയേഷൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.