മസ്കത്ത്: മനുഷ്യസ്നേഹത്തിെൻറയും നന്മയുടെയും സന്ദേശം പകർന്നു നൽകി ലോകമെമ്പാടുമുള്ള മലയാളി സിനിമാ പ്രേക്ഷകരുടെ ഹൃദയം കവർന്ന ‘സുഡാനി ഫ്രം നൈജീരിയ’യുടെ വിജയകരമായ 50ാം ദിവസം മസ്കത്തിൽ ആഘോഷിച്ചു. റൂവി സ്റ്റാർ സിനിമയിൽ സിനിമയുടെ സംവിധായകൻ സകരിയ്യയുടെ സാന്നിധ്യത്തിലായിരുന്നു ആഘോഷം. സിനിമാ പ്രദർശനവും ചർച്ചയും നടന്നു. സക്കരിയ സഹസംവിധായകനായിരുന്ന ഒമാനി സിനിമയുടെ സംവിധായകൻ ഡോ. ഖാലിദ് അബ്ദുറഹീം അൽ സദ്ജാലി മുഖ്യാതിഥിയായിരുന്നു.
സ്വതന്ത്ര സിനിമ പ്രവർത്തക സുധ ഷാ, അജയൻ പൊയ്യാറ, ഡോ. ഹംസ പറമ്പിൽ, ഷിലിൻ പൊയ്യാര, ദാർസൈത്ത് ഇന്ത്യൻ സ്കൂൾ അധ്യാപകൻ രാധാകൃഷ്ണകുറുപ്പ്, ഗൂബ്ര ഇന്ത്യൻ സ്കൂൾ അധ്യാപകൻ മുനീർ മാസ്റ്റർ, സെയ്താലി, മുഹമ്മദ് തുടങ്ങിയവർ ചർച്ചയിൽ സംസാരിച്ചു. ലോകത്താകമാനമുള്ള മനുഷ്യരുടെ വികാരങ്ങൾ ഒന്നാണെന്ന തിരിച്ചറിവിൽനിന്നാണ് ഈ സിനിമ ഉണ്ടായതെന്ന് സംവിധായകൻ സക്കറിയ പറഞ്ഞു. ജി.ഐ.സി ഇവൻറ്സ് ആണ് പരിപാടി സംഘടിപ്പിച്ചത്. സൈഫുദ്ദീൻ വളാഞ്ചേരി, ഷഫീർ കുഞ്ഞുമുഹമ്മദ് എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.