ക​ഴി​ഞ്ഞ കു​റെ ദി​വ​സ​ങ്ങ​ളാ​യി വ​രു​ന്ന പ​ത്ര മാ​ധ്യ​മ വാ​ർ​ത്ത​ക​ൾ നാ​ട്ടി​ൽ അ​ര​ങ്ങേ​റു​ന്ന കോ​ടി​ക്ക​ണ​ക്കി​നു രൂ​പ​യു​ടെ ത​ട്ടി​പ്പു കാ​ര്യ​ങ്ങ​ളാ​ണ്. ഇ​തി​ൽ കു​ടു​ങ്ങി​യി​രി​ക്കു​ന്ന​ത് കൂ​ടു​ത​ലും സാ​ധാ​ര​ണ​ക്കാ​രാ​യ പ്ര​വാ​സി​ക​ളാ​ണെ​ന്ന​റി​യു​മ്പോ​ൾ വ​ലി​യ ആ​ശ​ങ്ക തോ​ന്നു​ന്നു.

ക​ഴി​ഞ്ഞ കാ​ല​ങ്ങ​ളി​ൽ ഉ​ണ്ടാ​യി​ട്ടു​ള്ള ആ​ട്, മാ​ഞ്ചി​യം പോ​ലു​ള്ള ത​ട്ടി​പ്പു​ക​ളി​ൽ നി​ന്നും ന​മ്മ​ൾ പാ​ഠം പ​ഠി​ക്കു​ന്നി​ല്ല​ല്ലോ എ​ന്ന​താ​ണ് ദുഃ​ഖ​ക​മാ​യ കാ​ര്യം. നി​ങ്ങ​ൾ​ക്ക് അ​റി​യാ​വു​ന്ന​തു​പോ​ലെ പ​ത്ത​നം​തി​ട്ട ജി​ല്ല​യി​ൽ മാ​ത്രം എ​ത്ര സ്വ​കാ​ര്യ ഫി​നാ​ൻ​സ്/ ചി​ട്ടി ക​മ്പ​നി​ക​ളാ​ണ് പ്ര​വാ​സി​ക​ൾ ഉ​ൾ​​െപ്പ​ടെ​യു​ള്ള ചെ​റു​കി​ട നി​ക്ഷേ​പ​ക​രെ ക​ബ​ളി​പ്പി​ച്ചു മു​ങ്ങി​യ​ത്. മ​റ്റു ജി​ല്ല​ക​ളി​ലെ കാ​ര്യ​വും, വി​ഭി​ന്ന​മ​ല്ല. തൃ​ശൂ​ർ ജി​ല്ല​യി​ൽ ഈ ​അ​ടു​ത്ത് ന​ട​ന്ന ത​ട്ടി​പ്പി​ൽ ഇ​ര​ക​ൾ ഏ​റെ​യും പ്ര​വാ​സി​ക​ളാ​ണെ​ന്നാ​ണ് പൊ​ലീ​സ് പ​റ​യു​ന്ന​ത്. നി​ക്ഷേ​പ​ങ്ങ​ൾ മാ​ത്ര​മ​ല്ല, ചി​ട്ടി, സ്വ​ർ​ണ സ​മ്പാ​ദ്യ പ​ദ്ധ​തി, ഷെ​യ​ർ മാ​ർ​ക്ക​റ്റി​ലെ നി​ക്ഷേ​പം, പ​കു​തി വി​ല പ​ദ്ധ​തി​ക​ൾ, ഇ​ങ്ങ​നെ പോ​കു​ന്നു ത​ട്ടി​പ്പു​ക​ളു​ടെ ഒ​രു ശൃം​ഖ​ല കേ​ര​ള​ത്തി​ൽ.

എ​ന്താ​ണി​തി​നു കാ​ര​ണം

നാ​ട്ടി​ൽ ഇ​ത്ത​രം സ്ഥാ​പ​ന​ങ്ങ​ളെ നി​യ​ന്ത്രി​ക്കു​ന്ന​തി​ൽ അ​ധി​കൃ​ത​രു​ടെ ഭാ​ഗത്ത് വീ​ഴ്ച ഉ​ണ്ടെ​ന്നു​ന്നു​ള്ളു വാ​സ്ത​വ​മാ​ണ്. സാ​ധാ​ര​ണ​ക്കാ​രു​ടെ, പ്ര​ത്യേ​കി​ച്ചും പ്ര​വാ​സി​ക​ളു​ടെ അ​ത്യാ​ഗ്ര​ഹ​മാ​ണ് ഇ​തി​നു പ്ര​ധാ​ന കാ​ര​ണം. പെ​ട്ടെ​ന്ന് പ​ണ​ക്കാ​രാ​കാ​ൻ വേ​ണ്ടി കു​റു​ക്കു വ​ഴി​ക​ൾ തേ​ടു​ന്നു. ഭീ​മ​മാ​യ പ​ലി​ശ വാ​ഗ്ദാ​ന​ത്തി​ൽ കു​ടു​ങ്ങി മ​ണ​ലാ​ര​ണ്യ​ത്തി​ൽ ചോ​ര നീ​രാ​ക്കി ഉ​ണ്ടാ​ക്കു​ന്ന സ​മ്പാ​ദ്യം ന​ഷ്ട​പ്പെ​ടു​ന്ന അ​വ​സ്ഥ. ഇ​രു​പ​ത്തി നാ​ലും, മു​പ്പ​ത്തി ആ​റും ശ​ത​മാ​നം പ​ലി​ശ വാ​ഗ്ദാ​നം ചെ​യ്യു​മ്പോ​ൾ, ഇ​ത്ര​യും ഉ​യ​ർ​ന്ന പ​ലി​ശ അ​വ​ർ എ​ങ്ങ​നെ ത​രും എ​ന്ന​തി​നെ​പ്പ​റ്റി ഒ​രു നി​മി​ഷം ചി​ന്തി​ച്ചാ​ൽ തീ​രു​ന്ന പ്ര​ശ്ന​മേ ഉ​ള്ളൂ.

ഇ​ത്ത​രം സ്ഥാ​പ​ന​ങ്ങ​ൾ ഗോ​ൾ​ഡ് ലോ​ൺ, വാ​ഹ​ന വാ​യ്പ, ഹ​യ​ർ പ​ർ​ച്ചേ​സ് തു​ട​ങ്ങി​യ വാ​യ്പ​ക​ൾ​ക്ക് പ​ര​മാ​വ​ധി പ​തി​ന​ഞ്ചു മു​ത​ൽ പ​തി​നെ​ട്ടു വരെ ശ​ത​മാ​നം പ​ലി​ശയാണ് വാ​ങ്ങു​ന്ന​ത്. ആ​രും വീ​ട്ടി​ൽ​നി​ന്നും പ​ണം കൊ​ണ്ടു​വ​ന്നു നി​ങ്ങ​ൾ​ക്ക് പ​ലി​ശ ത​രി​ല്ല എ​ന്ന സാ​മാ​ന്യ ബോ​ധം ന​മ്മു​ടെ പ്ര​വാ​സി​ക​ൾ​ക്ക് ഇ​ല്ല എ​ന്ന് പ​റ​യാ​തെ വ​യ്യ. അ​തു​പോ​ലെ ഓ​ഹ​രി നി​ക്ഷേ​പ​ങ്ങ​ളി​ലെ നി​ങ്ങ​ളു​ടെ അ​റി​വി​ല്ലാ​യ്മ അ​ല്ലെ​ങ്കി​ൽ അ​ൽപം അ​റി​വ് അ​വ​ർ ഭം​ഗി​യാ​യി ദു​രു​പ​യോ​ഗം ചെ​യ്യു​ന്നു.

എ​ന്താ​ണ് പ​രി​ഹാ​രം

പ്ര​വാ​സി​ക​ൾ ജാ​ഗ​രൂ​ക​രാ​യി​രി​ക്കു​ക എ​ന്ന​താ​ണ് ഏ​റ്റ​വും പ്ര​ധാ​നം. താ​ഴെ​പ​റ​യു​ന്ന കാ​ര്യ​ങ്ങ​ൾ ശ്ര​ദ്ധി​ച്ചാ​ൽ ഇ​ത്ത​രം അ​പ​ക​ട​ങ്ങ​ളി​ൽ നി​ന്നും ഒ​ഴി​വാ​കാം.

ഏ​റ്റ​വും പ്ര​ധാ​നം, നി​ങ്ങ​ളു​ടെ സ​മ്പാ​ദ്യ​ങ്ങ​ൾ രാ​ജ്യ​ത്തെ പ്ര​ധാ​ന​പ്പെ​ട്ട ധ​ന​കാ​ര്യ സ്ഥാ​പ​ങ്ങ​ളി​ൽ നി​ക്ഷേ​പി​ക്കു​ക എ​ന്ന​താ​ണ്. വ​രു​മാ​നം കു​റ​വാ​ണെ​ങ്കി​ലും മു​ത​ൽ ഭ​ദ്ര​മാ​ണ​ല്ലോ. അ​ത്യാ​വ​ശ്യം വേ​ണ്ട തു​ക സേ​വി​ങ്സ് ബാ​ങ്ക് അ​ക്കൗ​ണ്ടി​ൽ സൂ​ക്ഷി​ച്ച് ബാ​ക്കി തു​ക നി​ങ്ങ​ളു​ടെ ആ​വ​ശ്യ​ങ്ങ​ൾ​ക്ക​നു​സ​രി​ച്ചു കാ​ലാ​വ​ധി നി​ക്ഷേ​പ​ങ്ങ​ളി​ൽ ഇ​ടു​ക.

ഇ​നി വ​ലി​യ തു​ക സ്ഥി​ര നി​ക്ഷേ​പ​ങ്ങ​ൾ ഇ​ടാ​ൻ ക​ഴി​യാ​ത്ത പ്ര​വാ​സി​ക​ൾ റെ​ക്ക​റി​ങ് ഡെ​പ്പോ​സി​റ്റു​ക​ൾ (ആ​ർ.​ഡി) തു​ട​ങ്ങി മാ​സം തോ​റും ഒ​രു ചെ​റി​യ തു​ക ദീ​ർ​ഘ കാ​ല​ത്തേ​ക്ക് തു​ട​ങ്ങി​യാ​ൽ സ്ഥി​രം നി​ക്ഷേ​പ​ത്തി​ന്റെ ഗു​ണ​ങ്ങ​ൾ​ക്കൊ​പ്പം നി​ക്ഷേ​പം വ​ള​രു​ക​യും ചെ​യ്യും. ആ​പ​ത്ത് ഘ​ട്ട​ങ്ങ​ളി​ൽ അ​ത്യാ​വ​ശ്യം തു​ക വേ​ണ​മെ​ങ്കി​ൽ എ​ടു​ക്കു​ക​യും ചെ​യ്യാം.

റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ നി​യ​ന്ത്ര​ണ​ത്തി​ൽ അ​ല്ലാ​ത്ത സ്ഥാ​പ​ന​ങ്ങ​ളി​ൽ ക​ഴി​വ​തും നി​ങ്ങ​ളു​ടെ സ​മ്പാ​ദ്യം സൂ​ക്ഷി​ക്കാ​തി​രി​ക്കു​ക. മ​റ്റു സ​മ്പാ​ദ്യ​ങ്ങ​ളു​ടെ കൂ​ടെ, കെ.​എ​സ്.​എ​ഫ്.​ഇ ചി​ട്ടി​ക​ളി​ൽ അം​ഗ​ങ്ങ​ളാ​യി സ​മ്പാ​ദി​ക്കു​ന്ന​തും അ​ഭി​കാ​മ്യ​മാ​ണ്. പ​ല കാ​ര​ണ​ങ്ങ​ൾ കൊ​ണ്ടും നാ​ട്ടി​ലെ സ​ഹ​ക​ര​ണ സൊ​സൈ​റ്റി​ക​ളി​ൽ പ്ര​വാ​സി​ക​ൾ​ക്ക് നി​ക്ഷേ​പം ന​ട​ത്തേ​ണ്ട​താ​യി വ​രു​ന്നു​ണ്ട് . ഇ​ത്ത​രം നി​ക്ഷേ​പ​ത്തി​ന്റെ മാ​സ വ​രു​മാ​നം കൃ​ത്യ​മാ​യി വാ​ങ്ങ​ണം. മു​ത​ലും പ​ലി​ശ​യും അ​വ​സാ​നം വാ​ങ്ങാം എ​ന്ന ചി​ന്ത ഒ​ഴി​വാ​ക്കു​ന്ന​ത് ന​ല്ല രീ​തി​യാ​ണ്.

അ​തു​പോ​ലെ ഇ​ത്ത​രം സ്ഥാ​പ​ന​ങ്ങ​ളി​ൽ ദീ​ർ​ഘ കാ​ല നി​ക്ഷേ​പ​ങ്ങ​ൾ ഒ​ഴി​വാ​ക്കു​ന്ന​തും ന​ല്ല​താ​ണ്. പ​ല രീ​തി​യി​ലു​ള്ള സ്വ​ർ​ണ സ​മ്പാ​ദ്യ പ​ദ്ധ​തി​ക​ളി​ൽ കൈ ​പൊ​ള്ളി​യ ധാ​രാ​ളം പ്ര​വാ​സി​ക​ളു​ണ്ട്. അ​തു​കൊ​ണ്ട് സ്വ​ർ​ണ​ത്തി​ൽ നി​ക്ഷേ​പി​ക്ക​ണ​മെ​ങ്കി​ൽ ഡി​ജി​റ്റ​ൽ ഗോ​ൾ​ഡ് (ഇ-​ഗോ​ൾ​ഡ്) മാ​ർ​ഗം സ്വീ​ക​രി​ക്കാ​ൻ ശ്ര​ദ്ധി​ക്കു​ക. നാ​ട്ടി​ൽ ഇ​തി​നു ധാ​രാ​ളം സൗ​ക​ര്യ​ങ്ങ​ളു​ണ്ട് . കേ​ന്ദ്ര സ​ർ​ക്കാ​ർ സ്ഥാ​പ​ന​മാ​യ മി​ന​റ​ൽ​സ് ആ​ൻ​ഡ് മെ​റ്റ​ൽ ട്രേ​ഡി​ങ്ങ് കോ​ർ​പോ​ർ​ഷ​ൻ ഓ​ഫ് ഇ​ന്ത്യ​യും പ​ൽ എ​ന്ന സ്വി​റ്റ്സ​ർ​ല​ൻ​ഡ് ക​മ്പ​നി​യും ചേ​ർ​ന്ന് ന​ട​ത്തു​ന്ന (എം.​എം.​ടി.​സി-​പി.​എ.​എ​ൽ) 24 കാ​ര​റ്റ് സ്വ​ർ​ണം ഡി​ജി​റ്റ​ൽ ആ​യി വാ​ങ്ങാം. ചെ​റി​യ രീ​തി​യി​ൽ ദീ​ർ​ഘ കാ​ല​ത്തേ​ക്ക് ഇ​തു ന​ല്ല പ​ദ്ധ​തി​യാ​ണ്. എ​പ്പോ​ൾ വേ​ണ​മെ​ങ്കി​ലും നി​ല​വി​ലെ 24 കാ​ര​റ്റ് സ്വ​ർ​ണ​ത്തി​ന്റെ വി​ല​ക്ക് വി​ൽ​ക്കു​ക​യോ അ​ല്ലെ​ങ്കി​ൽ സ്വ​ർ​ണ ബി​സ്‌​ക​റ്റ് ആ​യോ അ​ല്ലെ​ങ്കി​ൽ ആ​ഭ​ര​ണ​മാ​യോ അ​തു​മ​ല്ലെ​ങ്കി​ൽ ഇ​തു മൂ​ന്നും കൂ​ടി​യോ വ്യ​വ​സ്ഥ​ക​ൾ​ക്ക് വി​ധേ​യ​മാ​യി തെ​രെ​ഞ്ഞ​ടു​ക്കാം.

ഉ​ട​നെ ആ​വ​ശ്യ​മി​ല്ലാ​ത്ത തു​ക ചെ​റു നി​ക്ഷേ​പ​ങ്ങ​ൾ വ​ഴി മ്യൂ​ച്ച​ൽ ഫ​ണ്ടു​ക​ളി​ലും നി​ക്ഷേ​പി​ക്കാ​വു​ന്ന​താ​ണ്. എ​ത്ര ചെ​റി​യ തു​ക​യും സി​സ്റ്റ​മാ​റ്റി​ക് ഇ​ൻ​വെ​സ്റ്റ്മെ​ന്റ് (എ​സ്.​ഐ.​പി) വ​ഴി നി​ക്ഷേ​പം ന​ട​ത്തം. പൊ​തു​വെ ബാ​ങ്ക് നി​ക്ഷേ​പ​ങ്ങ​ളെ അ​പേ​ക്ഷി​ച്ചു കൂ​ടു​ത​ൽ വ​രു​മാ​നം കി​ട്ടാം . വ​ള​രെ ല​ളി​ത​മാ​യി ചെ​യ്യാ​ൻ പ​റ്റു​ന്ന ഒ​രു കാ​ര്യ​മാ​ണി​ത്. ക​മ്പോ​ള​ത്തി​ൽ ഉ​ണ്ടാ​കു​ന്ന മാ​റ്റ​ങ്ങ​ൾ ഇ​തി​ന്റെ ലാ​ഭ ന​ഷ്ട​ത്തെ ബാ​ധി​ക്കും എ​ന്ന കാ​ര്യം​കൂ​ടി മ​ന​സ്സി​ലാ​ക്ക​ണം .

ചു​രു​ക്ക​ത്തി​ൽ ബാ​ങ്ക് നി​ക്ഷേ​പ​ങ്ങ​ൾ, ചി​ട്ടി , സ്വ​ർ​ണ സ​മ്പാ​ദ്യ പ​ദ്ധ​തി​ക​ൾ, മ്യൂ​ച്ച​ൽ ഫ​ണ്ട് നി​ക്ഷേ​പ​ങ്ങ​ൾ എ​ന്നി​ങ്ങ​നെ അ​ന​വ​ധി നി​ര​വ​ധി പ​ദ്ധ​തി​ക​ൾ ന​മ്മു​ടെ മു​ന്നി​ൽ ഉ​ള്ള​പ്പോ​ൾ, അ​ൽ​പ ലാ​ഭ​ത്തി​നു വേ​ണ്ടി ത​ട്ടി​ക്കൂ​ട്ട് പ്ര​സ്ഥാ​ന​ങ്ങ​ളി​ൽ പ​ണം നി​ക്ഷേ​പി​ക്കാ​തി​രി​ക്കു​ക. അ​തി​ൽ നി​ന്നു​ള്ള അ​ധി​ക ലാ​ഭം വേ​ണ്ടെ​ന്നു വെ​ക്കു​ക.

നാ​ട്ടി​ലെ പ​ല അ​റി​യ​പ്പെ​ടു​ന്ന വ്യ​ക്തി​ക​ളും അ​റി​ഞ്ഞോ അ​റി​യാ​തെ​യോ ഇ​ത്ത​രം സം​രം​ഭ​ങ്ങ​ളു​മാ​യി സ​ഹ​ക​രി​ക്കു​ന്നു എ​ന്ന ഒ​റ്റ​ക്കാ​ര​ണ​ത്താ​ൽ നി​ങ്ങ​ൾ അ​തി​ൽ ചേ​ര​രു​ത്. മ​റ്റു​ള്ള​വ​ർ പെ​ട്ടെ​ന്ന് പ​ണ​മു​ണ്ട​ക്കി​യ കാ​ര്യം ചൂ​ണ്ടി​ക്കാ​ട്ടി നി​ങ്ങ​ളെ വ​ല​വീ​ശും. അ​ത് വെ​റും നീ​ർ​കു​മി​ള​ക​ൾ ആ​ണെ​ന്ന് തി​രി​ച്ച​റി​യു​ക. മി​ന്നു​ന്ന​തെ​ല്ലാം പൊ​ന്ന​ല്ല എ​ന്ന പഴ​​െഞ്ചാല്ല് ഓ​ർ​ക്കു​ക .

(ലേ​ഖ​ക​ൻ മ​സ്കത്തിലെ ഗ്ലോ​ബ​ൽ മ​ണി​ എ​ക്സ്ചേ​ഞ്ച് എ​ക്സി​ക്യൂ​ട്ടി​വ് അ​ഡ്വൈ​സ​ർ ആ​ണ്)