മസ്കത്ത്: തൊഴിൽ വിസയുടെ കാലാവധി കഴിഞ്ഞവർ പുതുക്കണമെന്ന് റോയൽ ഒമാൻ പൊലീസ് നിർദേശിച്ചു. വിവിധ സന്ദർശന വിസകളിലുള്ളവരും പുതുക്കണം. അല്ലാത്ത പക്ഷം പിഴ ഇൗടാക്കുമെന്നും റോയൽ ഒമാൻ പൊലീസ് വക്താവ് അറിയിച്ചു.
കോവിഡ് കണക്കിലെടുത്ത് വിസ പുതുക്കുന്നതിന് നൽകിയിരുന്ന ഇളവുകളുടെ കാലാവധി ജൂലൈ 15ഒാടെ അവസാനിച്ചു. പൊലീസ് സേവന കേന്ദ്രങ്ങൾ സന്ദർശിച്ചുവേണം റെസിഡൻറ് വിസ പുതുക്കാനെന്ന് ആർ.ഒ.പി വക്താവ് അറിയിച്ചു. എന്നാൽ വിദേശ തൊഴിലാളിയോ ബന്ധുക്കളോ സേവന കേന്ദ്രത്തിൽ എത്തണമെന്നില്ല. വിരലടയാളങ്ങൾ കമ്പ്യൂട്ടർ സംവിധാനത്തിൽ ശേഖരിച്ചിരിക്കുന്നതിനാൽ കമ്പനി പി.ആർ.ഒക്ക് സേവനകേന്ദ്രത്തിലെത്തി നടപടിക്രമങ്ങൾ പൂർത്തീകരിക്കാനും റെസിഡൻറ് കാർഡ് പുതുക്കാനും സാധിക്കുമെന്ന് ആർ.ഒ.പി അറിയിച്ചു. സന്ദർശന വിസകൾ ഒാൺലൈനിൽ പുതുക്കാൻ സാധിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.