മസ്കത്ത്: മസ്കത്ത് നിവാസികൾക്ക് ദേശീയദിന സമ്മാനമായി പുതിയ റോഡ് ഗതാഗതത്തിന് തുറന്നു. സുൽത്താൻ ഖാബൂസ് സർവകലാശാലയെയും മസ്കത്ത് എക്സ്പ്രസ്വേയെയും ബന്ധിപ്പിക്കുന്ന റോഡിന് അൽ ഖൂദ് സ്ട്രീറ്റ് എന്നാണ് പേര്. എസ്.ക്യു.യു റൗണ്ട് എബൗട്ടിൽനിന്ന് ആരംഭിച്ച് എക്സ്പ്രസ്വേയുടെ 12ാം നമ്പർ ജങ്ഷനിൽ അവസാനിക്കുന്ന റോഡിന് മൊത്തം 3.2 കിലോമീറ്ററാണ് ദൈർഘ്യം. ഒാരോ വശത്തേക്കുമായി മൂന്ന് വരി വീതമാണ് റോഡ് ഉള്ളത്.
ദേശീയദിനത്തിെൻറ ഭാഗമായാണ് അടിസ്ഥാന ജോലികളെല്ലാം എളുപ്പത്തിൽ പൂർത്തിയാക്കി റോഡ് ഗതാഗതത്തിന് തുറന്നുകൊടുത്തതെന്ന് മസ്കത്ത് നഗരസഭാ വക്താവ് അറിയിച്ചു. സുൽത്താൻ ഖാബൂസ് സർവകലാശാലയുടെ കോളജ് ഒാഫ് ആർട്സ് ആൻഡ് സയൻസസിലേക്കുള്ള പുതിയ ഇൻറർസെക്ഷനും റോഡിെൻറ ഭാഗമായിരിക്കും. ട്രാഫിക് സിഗ്നലുകളോടെയുള്ളതാണ് ഇൗ ഇൻറർസെക്ഷൻ. മഴവെള്ളം ഒഴുകിപ്പോകുന്നതിനായി നാലിടങ്ങളിൽ 10 ഡ്രെയിനേജ് സംവിധാനങ്ങൾ ക്രമീകരിച്ചിട്ടുണ്ട്. ആറ് കിലോമീറ്റർ ദൈർഘ്യമുള്ള കാൽനടക്കാർക്കുള്ള പാതയും റോഡിെൻറ ഭാഗമായി നിർമിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.