മസ്കത്ത്: ഇന്ത്യൻ സോഷ്യൽ ക്ലബ് മലയാള വിഭാഗത്തിെൻറ ഇൗ വർഷത്തെ പ്രവാസ കൈരളി സാഹി ത്യ പുരസ്കാരം വാഗ്മിയും നിരൂപകനും സാഹിത്യകാരനുമായ ഡോ. പ്രഫ. എം.എൻ. കാരശ്ശേരിക്ക് . കേരള സാഹിത്യ അക്കാദമി പ്രസിദ്ധീകരിച്ച കാരശ്ശേരിയുടെ ‘തെരഞ്ഞെടുത്ത സാഹിത്യലേഖനങ്ങൾ’ കൃതിയാണ് അവാർഡിന് അർഹമായത്. മലയാള വിഭാഗത്തിെൻറ സാഹിത്യ ഉപസമിതിയാണ് അവാർഡ് നിർണയം നടത്തിയത്. പെരുമ്പടവം ശ്രീധരൻ, ആർട്ടിസ്റ്റ് നമ്പൂതിരി, എം.വി. ദേവൻ, വിഷ്ണുനാരായണൻ നമ്പൂതിരി, സേതു, സി. രാധാകൃഷ്ണൻ, കെ.എൽ. മോഹനവർമ, എൻ.എസ്. മാധവൻ, സക്കറിയ, ആലങ്കോട് ലീലാകൃഷ്ണൻ, കൽപറ്റ നാരായണൻ, അക്ബർ കക്കട്ടിൽ, പുനത്തിൽ കുഞ്ഞബ്ദുല്ല, സുഭാഷ് ചന്ദ്രൻ, പ്രഫ. വി. മധുസൂദനൻ നായർ, ടി.ഡി. രാമകൃഷ്ണൻ, ശിഹാബുദ്ദീൻ പൊയ്ത്തുംകടവ് തുടങ്ങിയവരാണ് മുൻ വർഷങ്ങളിലെ അവാർഡ് ജേതാക്കൾ.
കേരളപ്പിറവി ദിനമായ നവംബർ ഒന്നിന് ഇന്ത്യൻ സോഷ്യൽ ക്ലബ് മലയാള വിഭാഗം ഹാളിൽ രാവിലെ 10ന് നടക്കുന്ന സാഹിത്യ ചർച്ച പ്രഫ. കാരശ്ശേരി ഉദ്ഘാടനം ചെയ്യും. ‘മലയാളീയതയുടെ വർത്തമാനം’ വിഷയത്തിൽ അദ്ദേഹം സംസാരിക്കുകയും ചെയ്യും. നവംബർ രണ്ടിന് വൈകുന്നേരം 6.30ന് ഇന്ത്യൻ സോഷ്യൽ ക്ലബ് ഹാളിൽ നടക്കുന്ന സാംസ്കാരിക സമ്മേളനത്തിൽ മലയാള വിഭാഗം കൺവീനർ എബ്രഹാം മാത്യു പ്രഫ. കാരശ്ശേരിക്ക് പ്രശസ്തിപത്രവും ഫലകവും സമ്മാനിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.