സലാല: പുൽവാമ ഭീകരാക്രമണത്തിൽ വീരമൃത്യു വരിച്ച ജവാന്മാർക്ക് ഇന്ത്യൻ വെൽഫെയർ ഫോറം സലാല ആദരാഞ്ജലികൾ അർപ്പിച്ചു. ആക്രമണത്തെ വെൽഫെയർ ഫോറം വർക്കിങ് കമ്മിറ്റി ശക്തമായി അപലപിച്ചു. രാജ്യത്തിന് നേരെയുള്ള കടന്നുകയറ്റം ഒരിക്കലും അംഗീകരിക്കാൻ കഴിയില്ലെന്നും ഇതിന് പിന്നിൽ പ്രവർത്തിച്ചവർ ആരായാലും ഒരിക്കലും രക്ഷപ്പെടാൻ അനുവദിക്കരുതെന്നും വർക്കിങ് കമ്മിറ്റി പ്രസ്താവനയിൽ പറഞ്ഞു. വെൽഫെയർ ഫോറം ആക്ടിങ് പ്രസിഡൻറ് തഴവ രമേശ് അധ്യക്ഷത വഹിച്ചു. കമ്മിറ്റി അംഗങ്ങൾ മെഴുകുതിരി തെളിയിച്ചു മൗനപ്രാർഥന നടത്തി. ജനറൽ സെക്രട്ടറി എ.കെ.വി. ഹലീം, ട്രഷറർ മൻസൂർ നിലമ്പൂർ, മീഡിയ സെക്രട്ടറി സ്വഫ്വത്ത്, കബീർ കണമല, സജീബ് ജലാൽ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.