മസ്കത്ത്: 2019ലെ പ്രവാസി ഭാരതീയ സമ്മാൻ ജേതാവും ബദർ അൽ സമാ ഹോസ്‌പിറ്റൽ, മാർസ് ഹൈപ്പ ർ മാർക്കറ്റ് ശൃംഖലകളുടെ മാനേജിങ് ഡയറക്ടറും സാമൂഹിക -ജീവകാരുണ്യ -വിദ്യാഭ്യാസ സംരംഭങ്ങളുടെ സഹകാരിയുമായ ഡോ. വി.ടി. വിനോദിന് മസ്കത്തിലെ വടകരക്കാരുടെ പ്രവാസി കൂട്ടായ്മയായ ‘വടകര സഹൃദയ വേദി’ പൗരസ്വീകരണം നൽകി. വാദി കബീർ ഗോൾഡൻ ഒയാസിസ്‌ ഹോട്ടലിൽ ഒമാനിലെ സാമൂഹിക -സാംസ്‌കാരിക -രാഷ്ട്രീയ രംഗങ്ങളിലെ പ്രമുഖ വ്യക്തിത്വങ്ങളുടെ സാന്നിധ്യത്തിലാണ് പരിപാടി നടന്നത്. വടകര സഹൃദയ വേദി പ്രസിഡൻറ് മൊയ്തു വെങ്ങിലാട്ട് പരിപാടിയിൽ അധ്യക്ഷത വഹിച്ചു. ഇന്ത്യൻ സോഷ്യൽ ക്ലബ് ചെയർമാൻ ഡോ. സതീഷ് നമ്പ്യാർ മുഖ്യാതിഥിയായിരുന്നു.
പ്രവാസി ക്ഷേമ നിധി ബോർഡ് ഡയറക്ടർ പി.എം ജാബിർ, കേരള വിഭാഗം കൺവീനർ രതീശൻ കേളമ്പത്ത്, മലയാള വിഭാഗം കൺവീനർ ഭാസ്കരൻ, മലബാർ വിഭാഗം കോ കൺവീനറും ഒ.െഎ.സി.സി പ്രസിഡൻറുമായ സിദ്ദീഖ് ഹസ്സൻ, ഒ.െഎ.സി.സി നേതാവ് എൻ.ഒ ഉമ്മൻ, പ്രിയദർശിനി കൾച്ചറൽ കോൺഗ്രസ് നേതാവ് ഷരീഫ് മാന്നാർ, എ.ഡി.ഒ വൈസ്‌ ചെയർമാൻ സുരേഷ് പാട്ടത്ത്, വേണു നാഗലശ്ശേരി, കലാമണ്ഡലം ഗോപകുമാർ, കെ.ഒ ദേവസ്സി തുടങ്ങിയവർ പങ്കെടുത്തു. ജനറൽ സെക്രട്ടറി സുനിൽ കുമാർ സ്വാഗതവും കൺവീനർ വിനോദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.