ഇബ്രി: ഇന്ത്യൻ സ്കൂൾ ഇബ്രിയിൽ പന്ത്രണ്ടാം ക്ലാസ് പൂർത്തിയാക്കിയ വിദ്യാർഥികളുടെ ബിരുദദാന ചടങ്ങ് നടന്നു. ഇന്ത്യൻ സ്കൂൾ ബോർഡ് എജ്യുക്കേഷനൽ അഡ്വൈസർ എം.പി. വിനോബ മുഖ്യാതിഥിയായിരുന്നു. വിദ്യാർഥികൾക്കുള്ള സർട്ടിഫിക്കറ്റുകളും മെമേൻറായും മുഖ്യാതിഥി നൽകി. എസ്.എം.സി പ്രസിഡൻറ് ഡോ.തോമസ് വർഗീസ് സംസാരിച്ചു. എസ്.എം.സി കൺവീനർ ഉണ്ണികൃഷ്ണൻ, ട്രഷറർ ഫിറോസ് ഹുസൈൻ, എസ്.എം.സി അംഗങ്ങളായ ജമാൽഹസൻ, ഡോ. വിജയ് ഷൺമുഖം തുടങ്ങിയവർ സംബന്ധിച്ചു. പ്രിൻസിപ്പൽ വി.എസ്. സുരേഷ് വിദ്യാർഥികൾക്ക് സത്യവാചകം ചൊല്ലിക്കൊടുത്തു. കുട്ടികളുടെ ആശീർവാദഗാനം ചടങ്ങിന് മാറ്റ് കൂട്ടി. മുതിർന്ന അധ്യാപകരായ മഹനാസ് നെയ്മി, വിജയകുമാർ ഡൊമിനിക് എന്നിവർ കുട്ടികളെ അഭിനന്ദിച്ച് സംസാരിച്ചു. വിദ്യാർഥികളായ കാതറിൻ ഗ്രേയ്സ്, മഹം ഷെഫിക്ക് എന്നിവർ സ്കൂൾ അനുഭവങ്ങൾ പങ്കുവെച്ചു. ചടങ്ങിൽ സീനിയർ അക്കാദമിക്ക് സൂപ്പർവൈസർ സണ്ണി മാത്യു സ്വാഗതവും ഹെഡ്ഗേൾ നേഹ മുഹമ്മദ് റാഫി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.