മസ്കത്ത്: ഒമാനിൽ ടാങ്കർ ലോറി മറിഞ്ഞ് കോഴിക്കോട് സ്വദേശി മരിച്ചു. കുറ്റ്യാടി നര ിക്കൂട്ടുംചാലിൽ പുതിയേടത്ത് അഷ്റഫ് (50) ആണ് മരിച്ചത്. ബാത്തിന എക്സ്പ്രസ്വേയി ൽ സുവൈഖിനടുത്ത് ശനിയാഴ്ച ഉച്ചക്കുശേഷമായിരുന്നു അപകടം. ഹെവി ഡ്രൈവറായി ജോലിചെയ്തുവരുകയായിരുന്ന അഷ്റഫ് ഒാടിച്ചിരുന്ന ടാങ്കർ നിയന്ത്രണം വിട്ട് ഡിവൈഡറിലും പോസ്റ്റിലും ഇടിച്ച ശേഷം മറിയുകയായിരുന്നു. മൂന്നു മണിയോടെ ഖാബൂറ ആശുപത്രിയിൽ എത്തിച്ചിരുന്നെങ്കിലും മരിച്ചതായി സുഹൃത്തുക്കൾ പറഞ്ഞു.
നാദാപുരം എടച്ചേരി സ്വദേശിയായ അഷ്റഫ് 10 വർഷത്തിലധികമായി ഒമാനിലുണ്ട്. നേരത്തേ നാദാപുരം ടൗണിൽ ടാക്സി ഡ്രൈവറായും ജോലി ചെയ്തിരുന്നു. സുഹാർ ആശുപത്രി മോർച്ചറിയിൽ സൂക്ഷിച്ചിട്ടുള്ള മൃതദേഹം നാട്ടിലേക്കയക്കാനുള്ള പ്രവർത്തനങ്ങൾ കെ.എം.സി.സി നേതൃത്വത്തിൽ നടന്നുവരുന്നു. കുഞ്ഞമ്മദ് കുട്ടി പിതാവും ജസീല ഭാര്യയുമാണ്. മുഹമ്മദ് ഷാൻ, മുഹമ്മദ് സിനാൻ, അമീൻ എന്നിവർ മക്കളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.