സലാല: സെൻറർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി) വൈവിധ്യാഭിരുചി പരീക്ഷ സംഘടിപ്പിച്ചു. വിദ്യാഭ്യാസ മനഃശാസ്ത്ര വിദഗ്ധൻ ശരീഫ് പവ്വൽ നേതൃത്വം നൽകി. നിലമറിഞ്ഞ് വിത്തിട്ടാൽ നൂറുമേനി വിളയിക്കാമെന്നതുപോലെ കുട്ടികളുടെ അഭിരുചിക്കനുസൃതമായി ഇഷ്ട വിഷയങ്ങളിൽ പഠനം സാധ്യമാക്കിയാൽ വിജയം സുനിശ്ചിതമായിരിക്കുമെന്ന് അദ്ദേഹം പറഞ്ഞു. ബിർള സ്കൂൾ ഹാളിൽ നടന്ന പരിപാടി ഇന്ത്യൻ സ്കൂൾ മാനേജ്മെൻറ് കമ്മിറ്റി പ്രസിഡൻറ് പ്രഫ. എസ്.എ. ജമീൽ ഉദ്ഘാടനം ചെയ്തു. ബിർള സ്കൂൾ പ്രിൻസിപ്പൽ പുലോമ നന്തി കരീം സംസാരിച്ചു. വൈവിധ്യാഭിരുചി പരീക്ഷയിൽ 40 വിദ്യാർഥികൾ പങ്കെടുത്തു. രണ്ടു ദിവസം നീണ്ടുനിന്ന കൗൺസലിങ്ങും നടന്നു. സിജി സലാല ചെയർമാൻ ഡോ. നിഷ്താർ സ്വാഗതവും കെ.കെ. സഈദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.