സുഹാർ: ഖദ്റ ക്രിക്കറ്റ് ക്ലബ് ടൂർണമെന്റിന്റെ മൂന്നാം പതിപ്പിൽ ഡോണട്ട് വേൾഡ് സുഹാർ (ഡി.ഡബ്ല്യു.എസ്) ജേതാക്കളായി. ടോസ് നേടി ബാറ്റിങ് തെരഞ്ഞെടുത്ത ഷെരീഫ് ഇലവൻ സുവൈക്കിന് (എസ്.ഇ.എസ്) നിശ്ചിത എട്ട് ഓവറിൽ 33 റൺ മാത്രം എടുക്കാനേ സാധിച്ചുള്ളൂ. മറുപടി ബാറ്റിങ്ങിന് ഇറങ്ങിയ ഡോണട്ട് വേൾഡ് സുഹാർ മൂന്ന് വിക്കറ്റ് നഷ്ടത്തിൽ വിജയം കാണുകയായിരുന്നു. ലുലു എക്സ്ചേഞ്ചായിരുന്നു ടൂർണമെന്റിന്റെ സ്പോൺസർമാർ.
ടൂർണമന്റിലെ മികച്ച താരമായി ഷൈലേഷിന്റെയും (ഡി.ഡബ്ല്യു.എസ്) മികച്ച ബൗളറായി യാസിറിനെയും (എസ്.ഇ.എസ്) തെരഞ്ഞെടുത്തു. വിജയികൾക്കുള്ള ട്രോഫിയും കാഷ് പ്രൈസും ഡി.ഡബ്ല്യു.എസ് ക്യാപ്റ്റൻ ജിജു ഏറ്റുവാങ്ങി. സുനിൽ കുമാർ, ബഷുറു മോഗർ അബ്ദുല്ല, യൂസഫ് എന്നിവർ സമ്മാനങ്ങൾ നൽകി. ടൂർണമെന്റ് വിജയകരമാക്കിയ എല്ലാവർക്കും കെ.സി.സി ക്യാപ്റ്റൻ ഇർഷാദ് നന്ദി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.