മസ്കത്ത്: വായനയുടെ നറുമണവുമായെത്തുന്ന മസ്കത്ത് അന്താരാഷ്ട്ര പുസ്തക മേളയിൽ പങ്കെടുക്കുന്നതിന് പ്രസാധകരുടെയും അനുബന്ധ സ്ഥാപനങ്ങളുടെയും രജിസ്ട്രേഷന് ക്ഷണിച്ച് സംഘാടകർ. മേളയുടെ 29ാമത് പതിപ്പാണ് ഇത്തവണ നടക്കുന്നത്.
പുസ്തകമേള ഏപ്രിൽ 23 മുതൽ മേയ് രണ്ടുവരെയാണ് നടക്കുക. രജിസ്ട്രേഷന് ഈ മാസം ഒമ്പതിന് ആരംഭിക്കും. 2025 ജനുവരി ഏഴ് വരെ തുടരും. ഒമാൻ കൺവെൻഷൻ ആൻഡ് എക്സിബിഷൻ സെന്ററിൽ നടക്കുന്ന മേളയിൽ അറബി, ഇംഗ്ലീഷ്, ഹിന്ദി, ഉർദു, മലയാളം തുടങ്ങിയ വിവിധ ഭാഷകളിലായി ലക്ഷക്കണക്കിന് പുസ്തകങ്ങളാണ് ഒരുക്കുക.
നാടക പ്രദർശനങ്ങൾ, ശിൽപശാലകൾ, ഭാഷ കോർണർ, കുട്ടികളുടെ മ്യൂസിയം കോർണർ, ഗ്രീൻ കോർണർ എന്നിവയുൾപ്പടെ പ്രത്യേക വിഭാഗങ്ങളും ഉണ്ടാകും.
ഒമാനിൽനിന്നും ലോകത്തിന്റെ വിവിധ ഭാഗങ്ങളിൽനിന്നുമുള്ള പ്രസാധകരും മേളയുടെ ഭാഗമായെത്തും. പുസ്തക മേളയിൽ വടക്കൻ ശർഖിയയാണ് ഇത്തവണത്തെ അതിഥി ഗവർണറേറ്റ്.
വടക്കൻ ശർഖിയയുടെ സമ്പന്നമായ സാംസ്കാരിക പൈതൃകം, ചരിത്ര സ്ഥലങ്ങൾ, നിക്ഷേപ സാധ്യതകൾ, ടൂറിസം ആകർഷണങ്ങൾ എന്നിവ പ്രദർശിപ്പിക്കാൻ അവസരമുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.