സലാല: വാഹനാപകടത്തിൽ മരിച്ച കൊല്ലം സ്വദേശിയുടെ മൃതദേഹം നാട്ടിലെത്തിക്കുന്നതിനുള്ള നടപടികൾ പുരോഗമിക്കുന്നു. ഷാർജയിൽ ജോലി ചെയ്യുന്ന കുളത്തുപ്പുഴ സ്വദേശി കൊട്ടാരത്തിൽ വീട്ടിൽ റെന്നി കെ. ബാബു (39) ആണ് മരിച്ചത്. നവംബർ രണ്ടിന് സലാലയിൽനിന്ന് 75 കി.മീ. ദൂരെ മരുഭൂമിയുടെ ഭാഗത്തായാണ് അപകടം നടന്നതെന്നാണ് അറിയുന്നത്. ഷാർജയിൽ ഡെക്സോൾ എന്ന കമ്പനിയിൽ ജോലി ചെയ്യുന്ന ഇദ്ദേഹം കമ്പനിയുടെ ആവശ്യത്തിനായാണ് സലാലയിൽ വന്നത്. 15 ദിവസത്തെ ജോലിയാണ് ഇവിടെ ഉണ്ടായിരുന്നത്.
നവംബർ രണ്ടിന് തിരികെ ഷാർജയിലേക്ക് പോകേണ്ടതായിരുന്നു. അന്നേ ദിവസം സലാല കാണുന്നതിനായുള്ള കറക്കത്തിനിടയിലാണ് അപകടത്തിൽ പെട്ടത്. കുടുംബം ഷാർജയിലാണുള്ളത്. ഭാര്യ: ലിജി മാത്യു. മക്കൾ: അലീന, അനീറ്റ. മൃതദേഹം സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുകയാണ്. നാട്ടിൽ നിന്ന് വിവരം അറിയിച്ചതിനെ തുടർന്നാണ് സലാലയിലെ സാമൂഹിക പ്രവർത്തകർ അപകടവിവരം അറിയുന്നത്. പ്രവാസി കൗൺസിൽ പ്രവർത്തകരുടെ നേതൃത്വത്തിൽ നിയമനടപടികൾ പൂർത്തിയാക്കി വരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.