സലാലയിൽ സംഘടിപ്പിച്ച എം.എ.മുഹമ്മദ് ജമാൽ അനുസ്മരണം നാസർ പെരിങ്ങത്തൂർ
ഉദ്ഘാടനം ചെയ്യുന്നു
സലാല: വയനാട് മുസ്ലിം യതീംഖാന ജനറൽ സെക്രട്ടറിയായിരുന്ന എം.എ.മുഹമ്മദ് ജമാൽ വാർഷിക അനുസ്മരണം സലാലയിൽ നടന്നു. കെ.എം.സി.സി വയനാട് ജില്ലാ കമ്മിറ്റിയും ഡബ്ല്യു.എം.ഒ വെൽഫെയർ കമ്മിറ്റിയും ചേർന്ന് ടൗൺ കമ്മിറ്റി ഹാളിലാണ് പരിപാടി സംഘടിപ്പിച്ചത്.
സ്ഥാപനത്തിന്റെ ഭാരവാഹിയായി ഇരുന്നു കൊണ്ട് ജില്ലയിലെ മുഴുവൻ ആളുകൾക്കുവേണ്ടി ജാതിമതഭേദമില്ലാതെ ജീവകാരുണ്യ പ്രവർത്തനങ്ങൾക്ക് നേത്യത്വം നൽകിയ ആളായിരുന്നു എം.എ മുഹമ്മദ് ജമാലെന്ന് യോഗം അഭിപ്രായപ്പെട്ടു. കെ.എം.സി.സി കേന്ദ്ര കമ്മിറ്റി പ്രസിഡന്റ് നാസർ പെരിങ്ങത്തൂർ ഉദ്ഘാടനം ചെയ്തു.
റഷീദ് കൽപ്പറ്റ അധ്യക്ഷത വഹിച്ചു. പ്രാർഥനക്ക് അബ്ദുല്ലത്തീഫ് ഫൈസി നേതൃത്വം നൽകി. ഹാഷിം കോട്ടക്കൽ, വി.പി. അബ്ദുസ്സലാം ഹാജി, നീന്സോ തോമസ്, ഹുസൈൻ കാച്ചിലോടി, ജാബിർ ഷെരീഫ്, അബ്ദുൽ അസീസ് എന്നിവർ സംസാരിച്ചു. ഷമീർ ഫൈസി സ്വാഗതവും ഷൗക്കത്ത് വയനാട് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.