കു​ന്തി​രി​ക്കം ഫെ​സ്റ്റി​വ​ലി​ന് തി​ര​ശ്ശീ​ല വീ​ണു

മ​സ്ക​ത്ത്: ദോ​ഫാ​ർ ഗ​വ​ർ​ണ​റേ​റ്റി​ൽ ന​ട​ന്ന മൂ​ന്നാ​മ​ത് കു​ന്തി​രി​ക്കം ഫെ​സ്റ്റി​വ​ലി​ന് തി​ര​ശ്ശീ​ല വീ​ണു. ന​വം​ബ​ര്‍ 27ന് ​ആ​രം​ഭി​ച്ച ഫെ​സ്റ്റി​വ​ലി​ലേ​ക്ക് ആ​യി​ര​ങ്ങ​ളാ​ണ് ഒ​ഴു​കി​യെ​ത്തി​യ​ത്. അ​ല്‍ ബ​ലീ​ദ് ആ​ര്‍ക്കി​യോ​ള​ജി​ക്ക​ല്‍ പാ​ര്‍ക്കി​ല്‍ പൈ​തൃ​ക, വി​നോ​ദ സ​ഞ്ചാ​ര മ​ന്ത്രാ​ല​യ​ത്തി​ന്റെ കാ​ര്‍മി​ക​ത്വ​ത്തി​ലാ​യി​രു​ന്നു പ​രി​പാ​ടി​ക​ൾ ന​ട​ന്ന​ത്. വാ​ദി ദു​കാ​ഹ് റി​സ​ര്‍വ് ഉ​ള്‍പ്പെ​ടെ​യു​ള്ള പ്ര​ദേ​ശ​ങ്ങ​ളി​ൽ അ​നു​ബ​ന്ധ പ​രി​പാ​ടി​ക​ള്‍ അ​ര​ങ്ങേ​റി.

പു​രാ​ത​ന കാ​ല​ത്ത് കു​ന്തി​രി​ക്ക ഉ​ൽ​പ്പ​ന്ന​ങ്ങ​ളും സ​ത്ത​ക​ളും എ​ങ്ങ​നെ നി​ർ​മി​ക്ക​പ്പെ​ട്ടി​രു​ന്നു എ​ന്ന​തി​നെ​ക്കു​റി​ച്ചു​ള്ള അ​വ​ത​ര​ണം ഏ​വ​രു​ടെ​യും ശ്ര​ദ്ധ പി​ടി​ച്ചു​പ​റ്റു​ക​യും ചെ​യ്തു.

പ​രി​പാ​ടി ലോ​ക​മെ​മ്പാ​ടു​മു​ള്ള വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​ൽ ഫ്രാ​ങ്കി​ൻ​സെ​ൻ​സ് ഭൂ​മി​യു​ടെ പ്രാ​ധാ​ന്യം എ​ടു​ത്തു​കാ​ണി​​ച്ചെ​ന്നും സം​ഘാ​ട​ക​ർ വ്യ​ക്ത​മാ​ക്കി. ലോ​ക​ത്തി​ല്‍ ത​ന്നെ മി​ക​ച്ച കു​ന്തി​രി​ക്കം ഉ​ൽ​പാ​ദി​പ്പി​ക്കു​ന്ന രാ​ജ്യ​ങ്ങ​ളി​ലൊ​ന്നാ​ണ് ഒ​മാ​നെ​ന്നും റി​പ്പോ​ര്‍ട്ടു​ക​ള്‍ പ​റ​യു​ന്നു. ഒ​മാ​നി കു​ന്തി​രി​ക്ക​ത്തി​നും സു​ഗന്ധ ദ്ര​വ്യ​ത്തി​നും ലോ​ക വി​പ​ണി​യി​ല്‍ വ​ലി​യ ഡി​മാ​ന്‍ഡ് ആ​ണ്. അ​തേ​സ​മ​യം, ഫെ​സ്റ്റി​വ​ലി​ന്റെ ഭാ​ഗ​മാ​യി ദോ​ഫാ​ര്‍ ഗ​വ​ര്‍ണ​റേ​റ്റി​ലെ വാ​ദി ദൂ​ഖാ​ഹ് റി​സ​ര്‍വി​ല്‍ കു​ന്തി​രി​ക്കം തൈ​ക​ള്‍ ന​ട്ടു പി​ടി​പ്പി​ച്ചു.