കെ.എം.സി.സി മലപ്പുറം ജില്ല കമ്മിറ്റി ഇത്തീനിലെ ഫാം ഹൗസിൽ സംഘടിപ്പിച്ച കുടുംബസംഗമം
സലാല: കെ.എം.സി.സി മലപ്പുറം ജില്ല കമ്മിറ്റി ഇത്തീനിലെ ഫാം ഹൗസിൽ ‘അഹ് ലൻ മലപ്പുറം’ എന്ന പേരിൽ കുടുംബസംഗമം സംഘടിപ്പിച്ചു.വേൾഡ് കെ.എം.സി.സി സെക്രട്ടറി ഷബീർ കാലടി ഉദ്ഘാടനം ചെയ്തു. ശമീൽ ചേളാരി അധ്യക്ഷതവഹിച്ചു.പുതിയ കേന്ദ്ര കമ്മിറ്റി ഭാരവാഹികൾക്ക് ചടങ്ങിൽ സ്വീകരണം നൽകി.
കെ.എം.സി.സി പ്രസിഡന്റ് വി.പി അബ് ദുസലാം ഹാജി, നാസർ പെരിങ്ങത്തൂർ, റഷീദ് കൽപറ്റ, ഹുസൈൻ കാച്ചിലോടി ,അബ് ദുൽ ഹമീദ് ഫൈസി എന്നിവർ സംസാരിച്ചു. റഷീദ് കൈനിക്കര, ഷസ്ന നിസാർ എന്നിവരും പങ്കെടുത്തു. കുട്ടികൾക്കും മുതിർന്നവർക്കുമായി വിവിധ കല കായിക പരിപാടികൾ നടന്നു. ലഹരിക്കെതിരെ എന്ന തലക്കെട്ടിൽ നടന്ന ചർച്ചക്ക് ശിഹാബ് കാളികാവ് നേത്യത്വം നൽകി. എസ്.എസ്.എൽ.സി പരീക്ഷയിൽ ഉയർന്ന മാർക്ക് വാങ്ങിയ കുട്ടികളെ ചടങ്ങിൽ ആദരിച്ചു. മലപ്പുറം ജില്ല ജനറൽ സെക്രട്ടറി റഹീം താനാളൂർ സ്വാഗതവും പ്രോഗ്രാം കൺവീനർ ജംഷദ് നന്ദിയും പറഞ്ഞു. ഷൗക്കത്ത് പുറമണ്ണൂർ, കാസിം കോക്കൂർ, ബുഷൈർ മൂളപ്പുറം, അബ്ദുല്ല അൻവരി എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.