ഖ​രീ​ഫ്: വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ സം​ര​ക്ഷി​ക്കാ​നു​ള്ള ശ്ര​മം ഊ​ർ​ജി​തം

മ​സ്ക​ത്ത്: ഖ​രീ​ഫ് സീ​സ​ണി​ൽ പ്ര​കൃ​തി​യെ സം​ര​ക്ഷി​ക്കാ​നു​ള്ള കാ​മ്പ​യി​നു​മാ​യി പ​രി​സ്ഥി​തി അ​തോ​റി​റ്റി. ‘പ​രി​സ്ഥി​തി സം​ര​ക്ഷ​ക​ർ’ എ​ന്ന ത​ല​ക്കെ​ട്ടി​ലാ​ണ് കാ​മ്പ​യി​ൻ. തി​ര​ക്കേ​റി​യ ടൂ​റി​സം കാ​ല​യ​ള​വി​ൽ ഗ​വ​ർ​ണ​റേ​റ്റി​ന്റെ സ​മ്പ​ന്ന​മാ​യ ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ന്ന​തി​നു​ള്ള അ​വ​ബോ​ധം ശ​ക്തി​പ്പെ​ടു​ത്തു​ന്ന​തി​നും പ​ങ്കാ​ളി​ത്ത ഉ​ത്ത​ര​വാ​ദി​ത്തം പ്രോ​ത്സാ​ഹി​പ്പി​ക്കാ​നും കാ​മ്പ​യി​ൻ ല​ക്ഷ്യ​മി​ടു​ന്നു.

ദോ​ഫാ​റി​ലെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് എ​ൻ​വ​യ​ൺ​മെ​ന്റി​ന്റെ നേ​തൃ​ത്വ​ത്തി​ൽ ആ​രം​ഭി​ച്ച സം​രം​ഭം ടൂ​റി​സം വ​ള​ർ​ച്ച​യും പ​രി​സ്ഥി​തി​സം​ര​ക്ഷ​ണ​വും സ​ന്തു​ലി​ത​മാ​ക്കേ​ണ്ട​തി​ന്റെ വ​ർ​ധി​ച്ചു​വ​രു​ന്ന ആ​വ​ശ്യ​ക​ത​യെ പ്ര​തി​ഫ​ലി​പ്പി​ക്കു​ന്നു. ഇ​തി​ലൂ​ടെ പ​രി​സ്ഥി​തി ബ​ഹു​മാ​ന​ത്തി​ന്റെ സം​സ്കാ​രം വ​ള​ർ​ത്ത​ലാ​ണ് ഉ​ദ്ദേ​ശി​ക്കു​ന്ന​തെ​ന്ന് ദോ​ഫാ​ർ ഗ​വ​ർ​ണ​റേ​റ്റി​ലെ പ​രി​സ്ഥി​തി ആ​ക്ടി​ങ് ഡ​യ​റ​ക്ട​ർ ജ​ന​റ​ൽ എ​ൻ​ജി​നീ​യ​ർ സ​ഹ്‌​റാ​ൻ അ​ൽ അ​ബ്ദു​ൽ​സ​ലാം പ​റ​ഞ്ഞു.

ദോ​ഫാ​റി​ന്റെ സ​മ്പ​ദ്‌​വ്യ​വ​സ്ഥ​ക്കും സ്വ​ത്വ​ത്തി​നും ഖ​രീ​ഫ് ഒ​രു സു​പ്ര​ധാ​ന സീ​സ​ണാ​ണ്. എ​ന്നാ​ൽ ഇ​ത് പ​രി​സ്ഥി​തി​ക്ക് വെ​ല്ലു​വി​ളി​ക​ളും ഉ​യ​ർ​ത്തു​ന്നു. ദോ​ഫാ​റി​ന്റെ പാ​രി​സ്ഥി​തി​ക സ​മ​ഗ്ര​ത​യി​ൽ വി​ട്ടു​വീ​ഴ്ച ചെ​യ്യാ​തെ സ​ന്ദ​ർ​ശ​ക​ർ​ക്ക് അ​തി​ന്റെ ഭം​ഗി ആ​സ്വ​ദി​ക്കാ​ൻ ക​ഴി​യു​മെ​ന്ന് ഉ​റ​പ്പാ​ക്കു​ന്ന​തി​നാ​ണ് പ​രി​സ്ഥി​തി സം​ര​ക്ഷ​ക​രു​ടെ സം​രം​ഭം രൂ​പ​ക​ൽ​പ​ന ചെ​യ്തി​രി​ക്കു​ന്ന​തെ​ന്ന് അ​ദ്ദേ​ഹം പ​റ​ഞ്ഞു.

കാ​മ്പ​യി​ന്റെ ഭാ​ഗ​മാ​യി സ​ലാ​ല, താ​ഖ, മി​ർ​ബാ​ത്ത് എ​ന്നി​വി​ട​ങ്ങ​ളി​ലെ നി​ല​വി​ലു​ള്ള പ​രി​സ്ഥി​തി യൂ​നി​റ്റു​ക​ളെ​യും മ​റ്റ് പ്ര​ധാ​ന മേ​ഖ​ല​ക​ളെ​യും സ​ഹാ​യി​ക്കു​ന്ന​തി​ന് നാ​ല് പ്ര​ത്യേ​ക മേ​ൽ​നോ​ട്ട സം​ഘ​ങ്ങ​ളെ നി​യോ​ഗി​ച്ചി​ട്ടു​ണ്ട്. ഈ ​ടീ​മു​ക​ൾ പ്ര​ധാ​ന വി​നോ​ദ​സ​ഞ്ചാ​ര, പ്ര​കൃ​തി​ദ​ത്ത സ്ഥ​ല​ങ്ങ​ളി​ൽ പ​ട്രോ​ളി​ങ് ന​ട​ത്തു​ക​യും പ​രി​സ്ഥി​തി നി​യ​മ​ങ്ങ​ൾ പാ​ലി​ക്കു​ന്ന​ത് നി​രീ​ക്ഷി​ക്കു​ക​യും പൊ​തു​ജ​ന​ങ്ങ​ളി​ൽ അ​വ​ബോ​ധം വ​ള​ർ​ത്തു​ക​യും ചെ​യ്യും.

ദോ​ഫാ​റി​ന്റെ പ​രി​സ്ഥി​തി സം​ര​ക്ഷി​ക്കു​ക എ​ന്ന​ത് സ​ർ​ക്കാ​ർ സ്ഥാ​പ​ന​ങ്ങ​ളു​ടെ മാ​ത്രം ക​ട​മ​യ​ല്ല. സ​ന്ദ​ർ​ശ​ക​ർ, താ​മ​സ​ക്കാ​ർ, സി​വി​ൽ സൊ​സൈ​റ്റി ഗ്രൂ​പ്പു​ക​ൾ തു​ട​ങ്ങി​യ​വ​രും പ​ങ്കാ​ളി​ക​ളാ​യാ​ലേ കാ​മ്പ​യി​ൻ വി​ജ​യ​ത്തി​ലെ​ത്തൂ​വെ​ന്ന് അ​ബ്ദു​ൽ സ​ലാം പ​റ​ഞ്ഞു. വി​ഷ​ൻ 2040ൽ ​വി​വ​രി​ച്ച​പോ​ലെ സു​സ്ഥി​ര​വി​ക​സ​ന​ത്തി​നാ​യു​ള്ള ഒ​മാ​ന്റെ വി​ശാ​ല​മാ​യ പ്ര​തി​ബ​ദ്ധ​ത​യെ ഈ ​സം​രം​ഭം പി​ന്തു​ണ​ക്കു​ന്നെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.