ജലാന്: ജലാന് ഇന്ത്യന് സ്കൂളില് വിവിധ പരിപാടികളോടെ ഒമാന് ദേശീയ ദിനാഘോഷം സംഘടിപ്പിച്ചു. സ്കൂള് ഹെഡ് ഗേള് അസംബ്ളിക്ക് നേതൃത്വം നല്കി. ഒമാന് ദേശീയഗാനവും ഇന്ത്യന് ദേശീയഗാനവും ആലപിച്ചു.
പ്രിന്സിപ്പല് അനാമിക ശര്മ ദേശീയ ദിനാശംസ നേര്ന്നു. സ്കൂള് മാനേജ്മെന്റ് കമ്മിറ്റി പ്രസിഡന്റ് റിസ്വാന് മാലിക് മുഖ്യാഥിതിയായിരുന്നു. ശംസ് അല് മര്ഫ ഒമാനി പ്രൈവറ്റ് സ്കൂളിലെ അധ്യാപകരും വിദ്യാര്ഥികളും പ്രത്യേക ക്ഷണിതാക്കളായി എത്തിയത് ആഘോഷത്തിന് മാറ്റുകൂട്ടി. ജലാന് ഇന്ത്യന് സ്കൂള് വിദ്യാര്ഥികള് വൈവിധ്യമാര്ന്ന കലാപരിപാടികള് അവതരിപ്പിച്ചു.
ഒമാനി സ്കൂളിലെ വിദ്യാര്ഥികള് അവതരിപ്പിച്ച ഒമാനി നൃത്തം നവ്യാനുഭവമായി. ജലാന് ഇന്ത്യന് സ്കൂളിലെ ഒമാനി ജീവനക്കാരെ റിസ്വാന് മാലിക് ആദരിച്ചു.
ഒമാനി വിദ്യാര്ഥികള്ക്കും അധ്യാപകര്ക്കും ഇന്ത്യന് സ്കൂള് വിദ്യാര്ഥികള് ഉപഹാരം സമ്മാനിച്ചു. ബദരിയ നന്ദി പറഞ്ഞു. അധ്യാപകന് റാഫി ആഘോഷത്തിന് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.