ഇന്ത്യന് സ്കൂള് നിസ്വയുടെ വാർഷിക ആഘോഷ പരിപാടിയിൽനിന്ന്
നിസ്വ: ഇന്ത്യൻ സ്കൂള് നിസ്വ 34ാമത് വാർഷികം വിപുലമായ രീതിയിൽ ആഘോഷിച്ചു. ഇന്ത്യൻ സ്കൂൾ നിസ്വയുടെ ബോർഡ് ഓഫ് ഡയറക്ടർ ഇൻ ചാർജ് പി.ടി.കെ.ഷമീർ ഉദ്ഘാടനം ചെയ്തു. നിസ്വ മുനിസിപ്പൽ കൗൺസിൽ മെംബർ അഹമ്മദ് ബിൻ സൈദ് ബിൻ ഖലീഫ അൽ ബുസൈദി മുഖ്യാതിഥിയായി.
പ്രിൻസിപ്പൽ ശാന്തകുമാർ ദാസരി വാർഷിക റിപ്പോർട്ട് അവതരിപ്പിച്ചു. 500ലധികം കുട്ടികൾ പങ്കെടുത്ത ഇന്ത്യയിലെ വിവിധ ഭാഷകളിലെ നൃത്തരൂപങ്ങൾ, സംഘഗാനങ്ങൾ, ഇംഗ്ലീഷ്, മലയാളം സ്കിറ്റുകൾ എന്നിവ അണിനിരത്തിയുള്ള കലാപ്രകടനം വാർഷികത്തെ അവിസ്മരണീയമാക്കി .
സ്കൂൾ മാനേജ്മെന്റ് പ്രസിഡന്റ് ഡോ. സുനൈദ് അഹമ്മദ്, വൈസ് പ്രസിഡന്റ് ഇസ്മായിൽ ഇക്ബാൽ മുഹമ്മദ്, ട്രഷറർ ജിൻസ് ഡേവിസ്, ഐ.ടി കൺവീനർ,അബ്ദുൽ ഹഖ് തവനൂർ, സ്പോർട്സ് കൺവീനർ ഉണ്ണി കൃഷ്ണൻ, ഹെൽത്ത് ആൻഡ് സേഫ്റ്റി കൺവീനർ ഷിജി ബീബിഷ്, പർച്ചേസ് കൺവീനർ ആഹ്ലാദ് എന്നിവർ പങ്കെടുത്തു. സെക്കൻഡറി കോഓഡിനേറ്റർ മിസുമ ലെനിൻ മത്സര വിജയികളുടെ പേര് വിവരങ്ങൾ അവതരിപ്പിച്ചു.
വൈസ് പ്രിൻസിപ്പൽ ബിജു മാത്യു, അസിസ്റ്റന്റ് വൈസ് പ്രിൻസിപ്പൽ ഫഹീം ഖാൻ ,അസ്മ ഖാൻ പരിപാടികൾക്ക് നേതൃത്വം നൽകി. ഹെഡ് ഗേൾ തനിഷ്ക ഗോയൽ സ്വാഗതവും ഹെഡ് ബോയ് യാസിർ അഹമ്മദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.