ടൂർണമെന്റിൽ ജേതാക്കളായ എഫ്.സി മൊബേല
ബർക്ക: എഫ്.സി ബ്രദേഴ്സ് ബർക്ക സംഘടിപ്പിച്ച ഒമ്പതാമത് സെവൻസ് ഫുട്ബാൾ ടൂർണമെന്റിൽ എഫ്.സി മൊബേല ജേതാക്കളായി. ആവേശം നിറഞ്ഞ ഫൈനൽ മത്സരത്തിൽ പെനാൽറ്റി ഷൂട്ട്ഔട്ടിലൂടെ ജി.എഫ്.സി അസൈബയെയാണ് പരാജയപ്പെടുത്തിയത്. കളിയുടെ മുഴുവൻ സമയവും ഇരു ടീമുകളും ഒരു ഗോൾ വീതം അടിച്ച് സമനിലയിൽ പിരിഞ്ഞതോടെയാണ് ഷൂട്ടൗട്ടിലൂടെ വിജയികളെ പ്രഖ്യാപിച്ചത്.
റുബ അൽ ഹറം ടോപ് ടെൻ സ്പോൺസർ ചെയ്ത വിന്നേഴ്സ് ട്രോഫിയും പ്രൈസ് മണിയുമാണ് ജേതാക്കൾക്ക് ലഭിച്ചത്. അൽ തമാം സ്പോൺസർ ചെയ്ത ട്രോഫിയും കാഷ് പ്രൈസും അൽ തമാം ബർക്ക മാനേജർ ജോസ് വർഗീസ് രണ്ടാംസ്ഥാനം നേടിയ ജി.എഫ്.സി അസൈബക്കു നൽകി. റോയൽ സീബിനെ മറികടന്ന് ബർക്ക ബംഗ്ല എഫ്.സി മൂന്നാംസ്ഥാനം കരസ്ഥമാക്കി.
ടൂർണമെന്റിലെ മികച്ച ടീമായി റോയൽ സീബിനെ തിരഞ്ഞെടുത്തു. എഫ്.സി മൊബേലയുടെ താരങ്ങളായ സുഹൈലിനെ മികച്ച കളിക്കാരനായും അജ്മൽ മികച്ച ഗോളിയായും തിരഞ്ഞെടുത്തു. റോയൽ സീബിലെ ഫഹദാണ് മികച്ച ഡിഫെൻഡർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.