ഒമാൻ- യു.എ.ഇ അതിർത്തി
മസ്കത്ത്: ഒമാെൻറ കര അതിർത്തികൾ ഇന്നു മുതൽ ഒരാഴ്ചത്തേക്ക് അടച്ചിടാൻ സുപ്രീം കമ്മിറ്റി യോഗം തീരുമാനിച്ചു. തിങ്കളാഴ്ച വൈകീട്ട് ആറിനാണ് അടക്കുക. ഒരാഴ്ചക്കു ശേഷം ആവശ്യമെങ്കിൽ അടച്ചിടൽ നീട്ടാനും ആഭ്യന്തര മന്ത്രിയുടെ അധ്യക്ഷതയിൽ ഞായറാഴ്ച നടന്ന സുപ്രീം കമ്മിറ്റി യോഗം തീരുമാനിച്ചു. കോവിഡിെൻറ പുതിയ വകഭേദത്തിെൻറ വ്യാപനവും അതിൽനിന്ന് സമൂഹത്തെ സംരക്ഷിക്കുന്നതിനുള്ള മാർഗങ്ങളും സംബന്ധിച്ച വിദഗ്ധ സംഘത്തിെൻറ റിപ്പോർട്ട് വിലയിരുത്തിയ ശേഷമാണ് സുപ്രീം കമ്മിറ്റിയുടെ തീരുമാനം.
കോവിഡ് മുൻകരുതൽ നടപടികൾ പാലിക്കുന്നതിൽ അലംഭാവം കാണിക്കുന്ന സ്വദേശികളുടെയും വിദേശികളുടെയും എണ്ണം വർധിച്ചുവരുന്നതായും സുപ്രീം കമ്മിറ്റി പ്രസ്താവനയിൽ അറിയിച്ചു. മുഖാവരണം ധരിക്കാതിരിക്കുന്നതിന് പുറമെ ടെൻറുകളിലും മറ്റിടങ്ങളിലും നിരവധി ആളുകൾ പെങ്കടുത്തുള്ള ഒത്തുചേരലുകളും നടത്തുന്നുണ്ട്. ഇത്തരം പ്രവൃത്തികൾ സമൂഹത്തിൽ വൈറസ് വ്യാപനത്തിന് കാരണമാകുന്നുണ്ട്. നിയമലംഘകർക്ക് കർശന ശിക്ഷ ഉറപ്പുവരുത്തുന്നതിനുള്ള നടപടികൾ തുടരുമെന്നും സുപ്രീം കമ്മിറ്റി പ്രസ്താവനയിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.