മസ്കത്ത്: ഒമാനിൽ 106 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം വൈറസ് ബാധിതരുടെ എണ്ണം 1614 ആയി. ഇതിൽ 238 പേരാണ് രോഗ മുക്തർ. മലയാളിയടക്കം എട്ടുപേർ മരണപ്പെടുകയും ചെയ്തു. 1368 പേർ വിവിധ ആശുപത്രികളിൽ ചികിൽസയിലുണ്ട്. ബുധനാഴ്ച രോഗം സ്ഥിരീകരിച്ചവരിൽ 71 പേരും വിദേശികളാണ്.
പുതുതായി വൈറസ് ബാധിതരായവരിൽ 74 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇവിടെ മൊത്തം കോവിഡ് ബാധിതർ 1238 ആയി. 156 പേരാണ് രോഗമുക്തരായത്. മരിച്ച എട്ടുപേരും മസ്കത്തിൽ ചികിത്സയിലിരുന്നവരാണ്. തെക്കൻ ബാത്തിനയിലെ വൈറസ് ബാധിതരുടെ എണ്ണം 121 ആയി. വടക്കൻ ബാത്തിനയിലെ കോവിഡ് ബാധിതർ 69 ആയിട്ടുണ്ട്.
തെക്കൻ ശർഖിയയിൽ അഞ്ചുപേർക്ക് കൂടി പുതുതായി കോവിഡ് സ്ഥിരീകരിച്ചു. ദാഹിറ മേഖലയിൽ രോഗം സ്ഥിരീകരിച്ചവരുടെ എണ്ണം 23ലേക്ക് ഉയർന്നതായും ആരോഗ്യ മന്ത്രാലയം ബുധനാഴ്ച പുറത്തുവിട്ട കണക്കുകൾ വ്യക്തമാക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.