മസ്കത്ത്: ദാർസൈത്ത് വാദി കബീർ റോഡിൽ രണ്ടിടങ്ങളിൽ കാറുകൾ ഫ്ലൈഒാവറിെൻറ അരികുഭിത്തിയിൽ പാഞ്ഞുകയറി. ഭാഗ്യം കൊണ്ടാണ് ദുരന്തമൊഴിവായത്. ഷെറാട്ടൺ ഹോട്ടലിന് സമീപത്തെ ഫ്ലൈഒാവറിൽ ഉച്ചയോടെയാണ് ആദ്യ അപകടമുണ്ടായത്. ഫോർവീൽ വാഹനമാണ് പാഞ്ഞുകയറിയത്. പൊലീസും മെഡിക്കൽ സംഘവും ഉടൻ സ്ഥലത്തെത്തി വാഹനം താഴെയിറക്കി. വാഹനത്തിലുണ്ടായിരുന്നവർക്ക് പ്രഥമ ശുശ്രൂഷ നൽകി. അപകടത്തിൽ ആർക്കും കാര്യമായ പരിക്കില്ലെന്നാണ് അറിയുന്നത്. അപകടത്തെ തുടർന്ന് ദാർസൈത്തിൽനിന്ന് വാദികബീർ ഭാഗത്തേക്കുള്ള ഗതാഗതം തടസ്സപ്പെട്ടു. സ്റ്റാർ സിനിമക്ക് സമീപം സന്ധ്യയോടെയാണ് രണ്ടാമത്തെ അപകടമുണ്ടായത്. വാദികബീറിൽനിന്ന് ദാർസൈത്ത് ഭാഗത്തേക്ക് പോവുകയായിരുന്ന സലൂൺ കാർ സൈഡ് നൽകവേയാണ് അപകടത്തിൽപെട്ടത്. അപകടത്തിൽ ആർക്കും പരിക്കില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.