മസ്കത്ത്: ഒമാൻ ബ്ലഡ്ബാങ്കുമായി സഹകരിച്ചുള്ള രക്തദാന ഡ്രൈവുമായി ഇന്ത്യൻ സോഷ്യൽ ക്ലബ് കേരള വിഭാഗം. മേയ് 10ന് ആരംഭിച്ച രക്തദാനം വരുംദിവസങ്ങളിലും തുടരും. രാവിലെ ഒമ്പതു മുതൽ ഉച്ചക്ക് 12.30 വരെയാണ് സമയം അനുവദിച്ചിട്ടുള്ളത്. നിലവിലെ സാഹചര്യത്തിൽ ഒമാനിൽ രക്തത്തിെൻറ ലഭ്യതയിൽ കുറവുള്ളതിനാൽ ആരോഗ്യ മന്ത്രാലയം രക്തദാനത്തിന് അഭ്യർഥന പുറപ്പെടുവിച്ചിരുന്നു. ഇതു കണക്കിലെടുത്താണ് കേരള വിഭാഗം പുതിയ ഉദ്യമവുമായി രംഗത്തെത്തിയിട്ടുള്ളത്. നാട്ടിൽ പോയി വന്ന് നാലുമാസം പൂർത്തിയായവർക്കു രക്തം ദാനം ചെയ്യാം. മത്ര വിലായതിൽ താമസിക്കുന്നവരുടെ രക്തം താൽക്കാലികമായി സ്വീകരിക്കുന്നതല്ലെന്ന് അധികാരികൾ അറിയിച്ചിട്ടുണ്ട്.രക്തദാനത്തിന് താൽപര്യമുള്ളവർ സാമൂഹിക ക്ഷേമ വിഭാഗം കോഓഡിനേറ്റർ റിയാസിനെ 9988 6914 എന്ന നമ്പറിൽ ബന്ധപ്പെടണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.