മസ്കത്ത്: ഒമാനിലെ പ്രമുഖ പുസ്തക വിതരണ സ്ഥാപനമായ അൽബാജ് ട്രേഡിങ്ങിന്റെ അൽ ഗുബ്റ ശാഖ ഉദ്ഘാടനം ഒമാനിലെ പ്രമുഖ അഭിനേതാവ് താലിബ് മുഹമ്മദ് അൽ ബലൂശി ഉദ്ഘാടനം ചെയ്തു. അൽ ഗുബ്റ ഇന്ത്യൻ സ്കൂളിന് സമീപം മോഡേൺ ഒമാൻ ബേക്കറിക്ക് തൊട്ടടുത്താണ് പുതിയ ശാഖ പ്രവർത്തനമാരംഭിച്ചത്. പുസ്തകങ്ങൾക്കും ആനുകാലിക പ്രസിദ്ധീകരണങ്ങൾക്കും പുറമെ സ്കൂൾ കുട്ടികൾക്കാവശ്യമായ എല്ലാ ഇനങ്ങളും അൽ ബാജിൽ ലഭ്യമാണ്. സ്റ്റേഷനറി ഇനങ്ങൾ, സ്പോർട്സ് ഐറ്റങ്ങൾ എന്നിവയും ലഭ്യമായിരിക്കും. വായന പ്രേമികൾക്ക് ഇരുന്ന് പുസ്തകം വായിക്കാൻ കഴിയുന്ന റീഡിങ് കോർണറും ഒരുക്കുന്നുണ്ട്. ചടങ്ങിന് മാനേജിങ് ഡയറക്ടർ ഷൗക്കത്തലി, ബിസിനസ് രംഗത്തെ പ്രമുഖനായ പി.ബി. സലീം തുടങ്ങിയ പ്രമുഖർ എത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.