മസ്കത്ത്: സെൻറ് മേരീസ് യാക്കോബായ സുറിയാനി പള്ളിയിൽ വിശുദ്ധവാര ശുശ്രൂഷകൾ ഇന്ന് ആരംഭിക്കും. വൈകീട്ട് ആറിന് ഓശാന ശുശ്രൂഷ, കുർബാന എന്നിവ ഉണ്ടാകും.
ഞായർ, തിങ്കൾ, ചൊവ്വ, ദിവസങ്ങളിൽ വൈകീട്ട് 7.30ന് സന്ധ്യാ പ്രാർഥന, വചനശുശ്രൂഷ എന്നിവ നടക്കും. ബുധനാഴ്ച വൈകീട്ട് 6.30ന് പെസഹാ ശുശ്രൂഷ, കുർബാന എന്നിവയും വ്യാഴാഴ്ച വൈകട്ട് 7:30 ന് സന്ധ്യാ പ്രാർഥന, കാൽകഴുകൽ ശുശ്രൂഷ എന്നിവയും നടക്കും. ഗാല യാക്കോബായ പള്ളിയിൽ വെള്ളിയാഴ്ച രാവിലെ എട്ടിന് ദുഃഖവെള്ളിയാഴ്ച ശുശ്രൂഷ ആരംഭിക്കും.
റൂവി സെൻറ് മേരീസ് ചാപ്പലിൽ ശനിയാഴ്ച വൈകീട്ട് ആറിന് ഉയിർപ്പ് പെരുന്നാൾ ശുശ്രൂഷ, കുർബാന എന്നിവയും ഉണ്ടാകും. ഈ വർഷത്തെ ശുശ്രൂഷകൾക്ക് ഇടവക മെത്രാപ്പോലീത്ത പൗലോസ് മോർ ഐറേനിയസ് മെത്രാപ്പോലീത്ത നേതൃത്വം നൽകുമെന്ന് ഫാ. ബേസിൽ വറുഗീസ്, സെക്രട്ടറി ഷിബു.കെ.ജേക്കബ്, ട്രസ്റ്റി ജിസോ.കെ.ഏലിയാസ് എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.