സലാല: യൂത്ത് അസോസിയേഷന് ഓഫ് സലാലയുടെ ആഭിമുഖ്യത്തില് ഓണം, പെരുന്നാള് സൗഹൃദ മത്സരം സംഘടിപ്പിച്ചു. സലാലയിലെ ദാഹ്രീസ് പാര്ക്കിലാണ് നാടന് കായികമത്സര പരിപാടികള് അരങ്ങേറിയത്. വടംവലി, ചാക്കില് കയറി ഓട്ടം, കസേരകളി, കണ്ണുകെട്ടി കുടമടി, കുട്ടികള്ക്കായുള്ള ബിസ്കറ്റ് കടി, ബലൂണ് പൊട്ടിക്കല് തുടങ്ങി വിവിധയിനങ്ങളില് മത്സരങ്ങള് നടന്നു. വാശിയേറിയ വടംവലി മത്സരത്തില് ഡെയ്ഞ്ചര് സോണ് വിജയികളായി. വിജയികള്ക്ക് സോഷ്യല് ക്ളബ് വൈസ് ചെയര്മാന് യു.പി. ശശീന്ദ്രന്, സി.പി. ഹാരിസ്, കെ.ജെ. സമീര് എന്നിവര് സമ്മാനങ്ങള് വിതരണം ചെയ്തു.
വിഭാഗീയ ചിന്തകള്ക്കതീതമായ സൗഹൃദാന്തരീക്ഷം വളര്ത്താന് ഇത്തരം കലാകായിക മത്സരങ്ങള് സഹായകമാകുമെന്ന് സൗഹൃദസന്ദേശത്തില് സി.പി. ഹാരിസ് പറഞ്ഞു. ഐ.എം.ഐ ജനറല് സെക്രട്ടറി അബ്ദുല്ല മുഹമ്മദ് പരിപാടി ഉദ്ഘാടനം ചെയ്തു. യാസ് പ്രസിഡന്റ് സാഗര് അലി അധ്യക്ഷത വഹിച്ചു. യാസ് നടത്തിയ ‘ഖരീഫ് ഫോട്ടോ ഷൂട്ട് 2016’ മത്സരത്തിലെ വിജയികളെ പ്രഖ്യാപിക്കലും സമ്മാനദാനവും നടന്നു. പ്രോഗ്രാം കണ്വീനര് സ്വഫ്വത്ത്, എന്.പി. സിദ്ദീഖ്, ജഫീര് അറാഫത്ത് തുടങ്ങിയവര് മത്സരങ്ങള്ക്ക് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.