വാരിയേഴ്സ് ക്രിക്കറ്റ് ടൂർണമെന്റ് സീസൺ മൂന്നിൽ വിജയികളായ പിച്ച് സ്മാഷേഴ്സ് ടീം
കുവൈത്ത് സിറ്റി: വാരിയേഴ്സ് ക്രിക്കറ്റ് ടൂർണമെന്റ് സീസൺ മൂന്നിൽ ടീം പിച്ച് സ്മാഷേഴ്സ് ജേതാക്കളായി. ജലീബ് എം.ഐ.കെ ഗ്രൗണ്ടിൽ നടന്ന വാശിയേറിയ ഫൈനൽ മത്സരത്തിൽ ടീം കൊക്കൻ ചാർജേഴ്സിനെ ആറു വിക്കറ്റിന് പരാജയപ്പെടുത്തിയാണ് ടീം പിച്ച് സ്മാഷേഴ്സ് ജേതാക്കളായത്. പിച്ച് സ്മാഷേഴ്സിന്റെ റെജീദ് ഫൈനൽ മാൻ ഓഫ് ദ മാച്ച് പുരസ്കാരം ഏറ്റുവാങ്ങി.
പിച്ച് സ്മാഷേഴ്സിന്റെ തന്നെ ഇമ്രാൻ എമി മാൻ ഓഫ് ദി സീരീസ് ആയി. ടൂർണമെന്റിലെ മികച്ച ബൗളറായി സാൽമിയ ടസ്കേഴ്സിന്റെ ജോസിയെയും ബാറ്ററായി പിച്ച് സ്മാഷേഴ്സിന്റെ ഇമ്രാൻ എമിയെയും തിരഞ്ഞെടുത്തു. വിജയികൾക്കുള്ള ട്രോഫിയും കാഷ് പ്രൈസും സ്പോൺസർമാരായ സ്കൈ ടെക് ജനറൽ ട്രേഡിങ്, അൽ അവതാർ ട്രേഡിങ് പ്രതിനിധികളായ ചീഫ് എൻജിനീയർ ഷെഫീഖ്, സെയിൽസ് എൻജിനീയർ മുഹമ്മദ് റാഷിദ് എന്നിവർ വിതരണം ചെയ്തു. ഫൈനൽ മത്സരം അമ്പയർമാരായ ഗോകുൽ, അരുൺ വിക്ടർ എന്നിവരും വാരിയേഴ്സിന്റെ അൻവേശ് സമ്മാനവിതരണവും നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.