ഫഹാഹീൽ യൂനിറ്റിന്റെ യാത്രയയപ്പ് ചടങ്ങിൽ സി.ആർ. ചിദംബരന് പി.ജി. ബിനു സ്നേഹോപഹാരം നൽകുന്നു
കുവൈത്ത് സിറ്റി: പ്രവാസ ജീവിതം അവസാനിപ്പിച്ച് നാട്ടിലേക്ക് പോകുന്ന വോയ്സ് കുവൈത്ത് ഫഹാഹീൽ യൂനിറ്റ് സെക്രട്ടറി സി.ആർ. ചിദംബരന് വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) ഫഹാഹീൽ യൂനിറ്റ് യാത്രയയപ്പ് നൽകി.
സക്സസ് ലൈൻ ഹാളിൽ നടന്ന ചടങ്ങിൽ വോയ്സ് കുവൈത്ത് ഫഹാഹീൽ യൂനിറ്റ് കൺവീനർ ദിലീപ് തുളസി അധ്യക്ഷത വഹിച്ചു. ഷനിൽ വെങ്ങളത്ത്, പ്രമോദ് കക്കോത്ത്, മിനികൃഷ്ണ, സരിത രാജൻ, ജോയ് നന്ദനം, ടി.വി. ഉണ്ണിക്കൃഷ്ണൻ, കെ.വിജയൻ, ടി.കെ. റെജി, എസ്. സുമലത, ലത സത്യൻ, രഞ്ജിത്ത് കൃഷ്ണൻ എന്നിവർ സംസാരിച്ചു.
കേന്ദ്ര ജനറൽ സെക്രട്ടറി കെ. ബിബിൻ ദാസ് സി.ആർ. ചിദംബരനെ പൊന്നാട അണിയിച്ചു. ചെയർമാൻ പി.ജി. ബിനു സ്നേഹോപഹാരം നൽകി. സി.ആർ. ചിദംബരൻ മറുപടി പ്രസംഗം നടത്തി. കേന്ദ്ര ജനറൽ സെക്രട്ടറി കെ. ബിബിൻ ദാസ് സ്വാഗതവും കേന്ദ്ര സെക്രട്ടറി സുജീഷ് പി. ചന്ദ്രൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.