കുവൈത്ത് സിറ്റി: എയർ ഇന്ത്യ വിദേശ വിമാന സർവീസുകൾ വെട്ടിക്കുറച്ച നടപടിയിൽ കേരള ആർട് ലവേഴ്സ് അസോസിയേഷൻ -കല കുവൈത്ത് ശക്തമായ പ്രതിഷേധം രേഖപ്പെടുത്തി. കേരളത്തിലെ തിരുവനന്തപുരം, കോഴിക്കോട്, കണ്ണൂർ എന്നീ വിമാനത്താവളങ്ങളിൽ നിന്ന് വിദേശങ്ങളിലേക്കുള്ള നേരിട്ടുള്ള സർവിസുകളാണ് എയർ ഇന്ത്യ നിർത്തലാക്കിയത്.
മലബാറിലെ പ്രത്യേകിച്ച് കണ്ണൂരിൽ നിന്നും ഏക ആശ്രയമായ ഈ സർവീസുകൾ നിർത്തലാക്കിയതോടെ അവിടെ നിന്ന് വരുന്ന യാത്രക്കാർക്ക് ഉണ്ടാവുന്ന ബുദ്ധിമുട്ടുകൾ ഏറെയാണ്.
എയർ ഇന്ത്യ എക്സ്പ്രസ് അധികൃതർ ഈ നടപടി പുനഃപരിശോധിക്കണമെന്നും സർവീസുകൾ പുനഃസ്ഥാപിക്കുന്നതിനായി കേന്ദ്ര-കേരള സർക്കാറുകൾ വേണ്ട ഇടപെടലുകൾ നടത്തണമെന്നും കല കുവൈത്ത് പ്രസിഡന്റ് മാത്യു ജോസഫ്, ജനറൽ സെക്രട്ടറി ടി. വി. ഹിക്മത് എന്നിവർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.