കേരള ഇസ്ലാമിക് ഗ്രൂപ് അബൂഹലീഫ ഏരിയയുടെ പുതിയ ഓഫിസ് കേന്ദ്ര പ്രസിഡന്റ് പി.ടി. ശരീഫ് ഉദ്ഘാടനം ചെയ്യുന്നു
കുവൈത്ത് സിറ്റി: കേരള ഇസ്ലാമിക് ഗ്രൂപ് അബൂഹലീഫ ഏരിയയുടെ പുതിയ ഓഫിസ് കേന്ദ്ര പ്രസിഡന്റ് പി.ടി. ശരീഫ് ഉദ്ഘാടനം ചെയ്തു. വ്യവസ്ഥാപിതമായി പ്രവർത്തിക്കുന്ന എല്ലാ സംവിധാനങ്ങൾക്കും കേന്ദ്രങ്ങൾ അനിവാര്യമാണെന്നും നിരന്തര യോഗങ്ങളും ആലോചനകളും ചർച്ചകളുമാണ് സംഘടിത പ്രവർത്തനങ്ങളെ വിജയത്തിലെത്തിക്കുന്നതെന്നും അദ്ദേഹം പറഞ്ഞു.
സമൂഹത്തെ നേർവഴിയിലേക്ക് നയിക്കുവാൻ പ്രവർത്തകർ വൈജ്ഞാനികമായ കരുത്ത് നേടിയെടുത്ത് സമൂഹത്തിലേക്ക് ഇറങ്ങണമെന്നും പ്രവർത്തനങ്ങൾ സജീവമാക്കണമെന്നും അദ്ദേഹം കൂട്ടിച്ചേർത്തു. കെ.ഐ.ജി കേന്ദ്ര ജനറൽ സെക്രട്ടറി ഫിറോസ് ഹമീദ്, കെ.സി. സമീർ, കെ. അബ്ദു റഹ്മാൻ, റഫീഖ് ബാബു, വി. അലി, കെ.എം. ഹാരിസ്, പി.എം. അഷ്കർ, മുഹമ്മദ് സൽമാൻ, എം.കെ. നജീബ് എന്നിവർ സംസാരിച്ചു. ഏരിയ പ്രസിഡന്റ് അബ്ദുൽ ബാസിത് അധ്യക്ഷത വഹിച്ചു. പി.കെ. നവാസ് ഖുർആൻ പാരായണം നടത്തി. മെഹ്ബൂല ബ്ലോക്ക് മൂന്നിൽ 320 റോഡിനരികിലാണ് ഓഫിസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.