കുവൈത്തിലെത്തിയ ഖത്തർ മാരിടൈം അക്കാദമി കപ്പൽ
കുവൈത്ത് സിറ്റി: നാവികസേനാ വിദ്യാർഥികളുമായി ഖത്തർ മുഹമ്മദ് ബിൻ ഗാനേം അൽ ഗാനേം മാരിടൈം അക്കാദമിയുടെ പരിശീലന കപ്പലുകൾ കുവൈത്തിലെത്തി. ഷുവൈഖ് തുറമുഖത്ത് എത്തിയ നാവികസേനാ വിദ്യാർഥികളെ കുവൈത്ത് അധികൃതർ സ്വീകരിച്ചു. അക്കാദമിയുടെ വിദ്യാർഥി പരിശീലന പരിപാടികളുടെയും ഗൾഫ് കോഓപറേഷൻ കൗൺസിൽ (ജി.സി.സി) നാവികസേനകൾ തമ്മിലുള്ള സംയുക്ത സഹകരണത്തിന്റെയും പശ്ചാത്തലത്തിലാണ് സന്ദർശനമെന്ന് പ്രതിരോധ മന്ത്രാലയം വാർത്തക്കുറിപ്പിൽ അറിയിച്ചു. ഏതാനും ദിവസങ്ങൾ ഖത്തർ സംഘം കുവൈത്തിൽ തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.