കാസർകോട് ജില്ല അസോസിയേഷൻ കുവൈത്ത് കേരളത്തിലേക്ക് അയക്കുന്ന ഒാക്സിജൻ സിലിണ്ടറുകൾ
കുവൈത്ത് സിറ്റി: കാസർകോട് ജില്ലയിലെ കോവിഡ് രോഗികൾക്ക് ആശ്വാസമായി കാസർകോട് ജില്ല അസോസിയേഷൻ കുവൈത്ത് ഓക്സിജൻ സിലിണ്ടറുകൾ കയറ്റി അയക്കുന്നു.
ഏരിയ കമ്മിറ്റികളുടെയും ഗ്ലോബൽ ഇന്‍റർനാഷനൽ കമ്പനിയുടെയും സഹകരണത്തോടെ സംഘടിപ്പിച്ച ഓക്സിജൻ സിലിണ്ടർ ചലഞ്ച് ചുരുങ്ങിയ ദിവസങ്ങൾക്കുള്ളിൽ തന്നെ പൂർത്തീകരിക്കാൻ സാധിച്ചു.
എയർകാർഗോ വഴി നാട്ടിലേക്ക് എത്തിക്കുന്ന സിലിണ്ടറുകൾ ജുലൈഅയിൽ നടന്ന ചടങ്ങിൽ കൈമാറി. രക്ഷാധികാരി മഹ്മൂദ് അപ്സര, ട്രഷറർ സി.എച്ച്. മുഹമ്മദ് കുഞ്ഞി, രാമകൃഷ്ണൻ കള്ളാർ, മുനീർ കുനിയ, സുബൈർ കാടങ്കോട്, ഹനീഫ് പാലായി, മൊയ്‌ദു ഉദുമ എന്നിവർ പങ്കെടുത്തു.
എയർ കാർഗോ വഴി കൊച്ചിയിൽ എത്തിക്കുന്ന സിലിണ്ടറുകൾ സംസ്ഥാന ആരോഗ്യവകുപ്പ് സ്വീകരിച്ചതിന് ശേഷം കാസർകോട് ജില്ല ആരോഗ്യവകുപ്പും കാസർകോട് അസോസിയേഷൻ കുവൈത്ത് പ്രസിഡൻറ് പി.എ. നാസറും ഏറ്റുവാങ്ങി ജില്ലയിൽ എത്തിക്കും. ശേഷം ജില്ലയിലെ വിവിധ സർക്കാർ ആശുപത്രികളിൽ വിതരണം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.