‘ഫ്ലൈറ്റേഴ്സ് കപ്പ് 2024’ ജേതാക്കളായ ഫ്ലൈറ്റേഴ്സ് എഫ്.സി
കുവൈത്ത് സിറ്റി: കുവൈത്ത് ദേശീയ ദിനത്തോടനുബന്ധിച്ചു ഫ്ലൈറ്റേഴ്സ് എഫ്.സി കെഫാകുമായി സഹകരിച്ചു നടത്തിയ ‘ഫ്ലൈറ്റേഴ്സ് കപ്പ് 2024’ കപ്പ് ഫ്ലൈറ്റേഴ്സ് എഫ്.സിക്ക്. ഫൈനലിൽ കേരള ചലഞ്ചേഴ്സിനെ പരാജയപ്പെടുത്തിയാണ് കിരീടനേട്ടം. കുവൈത്ത് ലങ്ക എഫ്.സി മൂന്നാം സ്ഥാനം നേടി. റൗദ എഫ്.സി ഫെയർ പ്ലേ ട്രോഫി നേടി.
ഉദ്ഘാടനച്ചടങ്ങിൽ കുവൈത്ത് ഫുട്ബാൾ ഫെഡറേഷൻ പ്രതിനിധികളായ ഹിഷാം അൽ ഫീലി, എൻജിനീയർ ഫാദിൽ എന്നിവർ മുഖ്യാതിഥികളായി. കെഫാക് പ്രസിഡന്റ് മൻസൂർ കുന്നത്തേരി, ക്ലബ് ഡയറക്ടർ ശുഐബ് ഷെയ്ഖ്, ക്ലബ് പ്രസിഡന്റ് സലിം വകീൽ, സെക്രട്ടറി അഫ്സർ തളങ്കര, ട്രഷറർ ഷാകിബ് ഷെയ്ഖ്, ടൂർണമെന്റ് കൺവീനർ മുഹമ്മദ് മല്ലങ്കൈ, ടെക്നിക്കൽ ഡയറക്ടർ തോമസ് അവറാച്ചൻ എന്നിവർ സംബന്ധിച്ചു.
ടൂർണമെന്റിലെ മികച്ച കളിക്കാരനായി അഭിരാം (ഫ്ലൈറ്റേഴ്സ് എഫ്.സി), ടോപ് സ്കോറർ മിഥിലാജ് (യു.എഫ്.സി മംഗഫ്), മികച്ച ഡിഫൻഡർ സുമിത് (കേരള ചലഞ്ചേഴ്സ്), മികച്ച ഗോൾ കീപ്പർ സുമിത് (ഫ്ലൈറ്റേഴ്സ് എഫ്.സി) എന്നിവരെ തിരഞ്ഞെടുത്തു.
ജിനു എബ്രഹാം, ജാസിം, ജോസഫ് സ്റ്റാൻലി, സെബാസ്റ്റ്യൻ ബെഞ്ചിലാസ്, ക്ലബ് എക്സിക്യൂട്ടിവ് അംഗങ്ങൾ എന്നിവർ ട്രോഫികൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.