കുവൈത്ത് സിറ്റി: പാലക്കാട് പ്രവാസി അസ്സോസിയേഷൻ ഓഫ് കുവൈത്ത് (പൽപക്ക്) മെട്രോ മെഡിക്കൽ ഗ്രൂപ്പുമായി സഹകരിച്ച് പൽപക് അംഗങ്ങൾക്കായി നൽകുന്ന മെട്രോ ഫാമിലി ക്ലബ് മെഡിക്കൽ കാർഡിന്റെ വിതരണോദ്ഘാടനം നടത്തി. അബാസിയ യുനൈറ്റഡ് ഇന്ത്യൻ സ്കൂളിൽ നടന്ന ചടങ്ങിൽ മെട്രോ ഗ്രൂപ് മാർക്കറ്റിങ് വിഭാഗം മേധാവി ബഷീർ ബാത്തയിൽനിന്നും പൽപക്ക് സാമൂഹിക വിഭാഗം സെക്രട്ടറി ജിജുമാത്യു ഡിജിറ്റൽ കാർഡിന്റെ ആദ്യപകർപ്പ് ഏറ്റുവാങ്ങി. പൽപ്പക്കിന്റെ അംഗങ്ങൾക്കും കൂടാതെ അവിദഗ്ധ തൊഴിലാളി മേഖലയിലും കുവൈത്തിലെ സാമൂഹ്യ രംഗത്തും ചെയ്തു വരുന്ന നിസ്തുലമായ സേവനത്തിന് പൽപക്ക് പ്രസിഡന്റ് രാജേഷ് പരിയാരത്ത് മെട്രോമെഡിക്കൽ ഗ്രൂപ്പിനോടുള്ള നന്ദിയും കടപ്പാടും യോഗത്തിൽ രേഖപെടുത്തി. പൽപക് രക്ഷാധികാരി പി.എൻ കുമാർ, ജനറൽ സെക്രട്ടറി സുരേഷ് മാധവൻ ഉപദേശക സമിതി അംഗം ശിവദാസ് വാഴയിൽ എന്നിവർ സന്നിഹിതരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.