മാർത്തോമൻ പൈതൃക സന്ദേശ യാത്രയിൽനിന്ന്
കുവൈത്ത് സിറ്റി: മാർത്തോമൻ പൈതൃക സംഗമത്തിന് ഐക്യദാർഢ്യം പ്രഖ്യാപിച്ച് കുവൈത്ത് മേഖല യുവജന പ്രസ്ഥാനത്തിന്റെ നേതൃത്വത്തിൽ മാർത്തോമൻ പൈതൃക സന്ദേശയാത്ര സംഘടിപ്പിച്ചു. സെന്റ്. തോമസ് പഴയ പള്ളിയിൽ നിന്ന് ആരംഭിച്ച സന്ദേശ യാത്ര സെന്റ്. ബേസിൽ, സെന്റ് സ്റ്റീഫൻസ് ഇടവകകൾ സന്ദർശിച്ചു സെന്റ്. ഗ്രീഗോറിയോസ് മഹാ ഇടവകയിൽ സമാപിച്ചു.
യുവജനപ്രസ്ഥാനം സോണൽ പ്രസിഡന്റ് ഫാ.മാത്യു എം.മാത്യു, ഫാ. എബ്രഹാം പി.ജെ, ഫാ.ഡോ. ബിജു പാറക്കൽ, ഫാ. ജോൺ ജേക്കബ്, ഫാ.ലിജു കെ.പൊന്നച്ചൻ, ഫാ.ഡോ.വിവേക് വർഗീസ് എന്നിവർ കാർമികത്വം വഹിച്ചു. യുവജന പ്രസ്ഥാനം കേന്ദ്ര കമ്മറ്റി അംഗം കെ.സി. ബിജു, സോണൽ സെക്രട്ടറി ജോമോൻ ജോർജ് കോട്ടവിള എന്നിവർ നേതൃത്വം നൽകി.
യുവജന പ്രസ്ഥാനം കുവൈത്ത് മേഖല പ്രവർത്തന സമിതി അംഗങ്ങൾ, സഭയുടേയും ഭദ്രാസനത്തിന്റേയും വിവിധ ചുമതലക്കാർ, വിവിധ ഇടവകയിലെ ചുമതലക്കാർ, ഇടവക ജനങ്ങൾ, യുവജന പ്രസ്ഥാനം അംഗങ്ങൾ എന്നിവർ സന്നിഹിതരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.