കു​വൈ​ത്തി​ൽ ബി​സി​ന​സ് ചെ​യ്യാം...

കു​വൈ​ത്ത് സി​റ്റി: കു​വൈ​ത്തി​ലെ ഇ​ന്ത്യ​ൻ എം​ബ​സി ഇ​ന്ത്യ​ൻ ക​മ്പ​നി​ക​ൾ​ക്കാ​യി സെ​മി​നാ​ർ സം​ഘ​ടി​പ്പി​ച്ചു.‘​കു​വൈ​ത്തി​ൽ ബി​സി​ന​സ് ചെ​യ്യാം’ എ​ന്ന പേ​രി​ൽ എം​ബ​സി ഓ​ഡി​റ്റോ​റി​യ​ത്തി​ൽ ന​ട​ന്ന സെ​മി​നാ​റി​ൽ വി​ദ​ഗ്ധ ക​ൺ​സ​ൽ​ട്ട​ന്റു​മാ​രും നി​യ​മ​വി​ദ​ഗ്ധ​രും കു​വൈ​ത്തി​ൽ ബി​സി​ന​സ് സം​രം​ഭ​ങ്ങ​ൾ ആ​രം​ഭി​ക്കു​മ്പോ​ൾ ശ്ര​ദ്ധി​ക്കേ​ണ്ട ര​ജി​സ്ട്രേ​ഷ​ൻ, ലൈ​സ​ൻ​സി​ങ്, നി​കു​തി, നി​യ​മ​പ​ര​മാ​യ മ​റ്റു കാ​ര്യ​ങ്ങ​ൾ എ​ന്നി​വ​യി​ൽ അ​വ​ത​ര​ണം ന​ട​ത്തി.

ഗ​ൾ​ഫ് മേ​ഖ​ല​യി​ൽ ബി​സി​ന​സ് വി​ക​സി​പ്പി​ക്കു​ന്ന​വ​ർ കു​വൈ​ത്തി​നെ വ​ലി​യ സാ​ധ്യ​ത​യാ​യി കാ​ണ​ണ​മെ​ന്ന് ഇ​ന്ത്യ​ൻ ക​മ്പ​നി​ക​ളോ​ട് അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക ആ​വ​ശ്യ​പ്പെ​ട്ടു. അ​ടി​സ്ഥാ​ന സൗ​ക​ര്യ​ങ്ങ​ൾ, ഡി​ജി​റ്റ​ൽ സാ​ങ്കേ​തി​ക​വി​ദ്യ, ആ​രോ​ഗ്യ സം​ര​ക്ഷ​ണം, പു​ന​ർ​നി​ർ​മി​ക്കാ​വു​ന്ന ഊ​ർ​ജ്ജം തു​ട​ങ്ങി​യ പ്ര​ധാ​ന മേ​ഖ​ല​ക​ളി​ൽ കു​വൈ​ത്ത് വ​ലി​യ മു​ന്നേ​റ്റ​ത്തി​ന് ശ്ര​മി​ക്കു​ക​യാ​ണെ​ന്നും, വി​ദേ​ശ ക​മ്പ​നി​ക​ൾ​ക്ക് വ​ലി​യ അ​വ​സ​രം ഒ​രു​ങ്ങു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​ന്ത്യ​ക്കാ​ർ​ക്ക് കു​വൈ​ത്തി​ൽ ബി​സി​ന​സ് ന​ട​ത്താ​ൻ അ​വ​സ​രം ഒ​രു​ക്ക​ൽ, ഇ​ന്ത്യ-​കു​വൈ​ത്ത് വ്യാ​പാ​രം കൂ​ടു​ത​ൽ ആ​ഴ​ത്തി​ലാ​ക്ക​ൽ ,നി​ക്ഷേ​പ സ​ഹ​ക​ര​ണം എ​ന്നി​വ ല​ക്ഷ്യ​മി​ട്ടാ​ണ് എം​ബ​സി​യു​ടെ നേ​തൃ​ത്വ​ത്തി​ൽ സെ​മി​നാ​ർ ഒ​രു​ക്കി​യ​ത്. പ​ങ്കെ​ടു​ത്ത​വ​രു​ടെ ചോ​ദ്യ​ങ്ങ​ൾ​ക്കും സം​ശ​യ​ങ്ങ​ൾ​ക്കും നി​യ​മ​വി​ദ​ഗ്ധ​ർ ഉ​ത്ത​രം ന​ൽ​കി. ഇ​ന്ത്യ​ൻ എം​ബ​സി ഫ​സ്റ്റ് സെ​ക്ര​ട്ട​റി സ്മി​താ പാ​ട്ടീ​ൽ പ്ര​ഭാ​ഷ​ക​ർ​ക്കും പ​​ങ്കെ​ടു​ത്ത​വ​ർ​ക്കും ന​ന്ദി​യും പ​റ​ഞ്ഞു. ഇ​ന്ത്യ​യി​ൽ നി​ന്നും കു​വൈ​ത്തി​ൽ നി​ന്നു​മാ​യി 200ല​ധി​കം പേ​ർ സെ​മി​നാ​റി​ൽ പ​ങ്കെ​ടു​ത്തു.