കുവൈത്ത് സിറ്റി: ‘കുവൈത്ത് നിങ്ങളോടൊപ്പം’ കാമ്പയിനിന്റെ ഭാഗമായി സിറിയൻ ജനതക്ക് കുവൈത്ത് സഹായ വിതരണം തുടരുന്നു. 28ാമത് സൈനിക വിമാനം ഞായറാഴ്ച ദമസ്കസിലേക്ക് പറന്നു. കിടക്കകൾ, ഓക്സിജൻ, ജനറേറ്ററുകൾ അടങ്ങുന്ന 40 ടൺ മെഡിക്കൽ സാധനങ്ങളാണ് സിറിയൻ ആരോഗ്യ മന്ത്രാലയത്തെ പിന്തുണക്കാൻ അയച്ചത്.
കുവൈത്ത് അമീർ ശൈഖ് മിശ്അൽ അൽ അഹമ്മദ് ജാബിർ അസ്സബാഹിന്റെയും കിരീടാവകാശി ശൈഖ് സബാഹ് ഖാലിദ് അൽ ഹമദ് അസ്സബാഹിന്റെയും നിർദേശപ്രകാരമാണ് ദുരിതാശ്വാസ സഹായങ്ങൾ എത്തിക്കുന്നത്. സർക്കാർ മന്ത്രാലയങ്ങളും വിവിധ ജീവകാരുണ്യ സംഘടനകളും തമ്മിലുള്ള സഹകരണത്തോടെയാണ് സഹായങ്ങൾ നൽകുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.