കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ അമേരിക്കൻ വിദഗ്ധ സംഘത്തിെൻറ സുരക്ഷാ പരിശോധന. ഒരാഴ്ചത്തെ സന്ദർശനത്തിന് എത്തിയ സംഘമാണ് വിമാനത്താവളത്തിലെ ഒന്ന്, നാല്, അഞ്ച് ടെർമിനലുകളിൽ പരിശോധന നടത്തിയത്. അന്താരാഷ്ട്ര മാനദണ്ഡം അനുസരിച്ചുള്ള സുരക്ഷാ മുന്നൊരുക്കം ഏർപ്പെടുത്തിയിട്ടുണ്ടെന്ന് ഉറപ്പാക്കുന്നതിെൻറയും സുരക്ഷാ പഴുതുകൾ അടക്കുന്നതിെൻറയും ഭാഗമായാണ് പരിശോധന.
കുവൈത്ത് സിവിൽ വ്യോമയാന വകുപ്പ്, ആഭ്യന്തര മന്ത്രാലയം എന്നിവയുടെ സഹകരണത്തോടെയാണ് എയർക്രാഫ്റ്റ്, യാത്രക്കാരുടെ ബാഗേജ്, എയർ കാർഗോ സംവിധാനങ്ങൾ പരിശോധിച്ചത്. വിദഗ്ധ സംഘത്തിെൻറ അന്തിമ റിപ്പോർട്ട് ബന്ധപ്പെട്ട വകുപ്പിന് പിന്നീട് നൽകും. അമേരിക്കൻ സംഘത്തിെൻറ ആദ്യ സന്ദർശനത്തിന് ശേഷം കുവൈത്ത് അന്താരാഷ്ട്ര വിമാനത്താവളത്തിൽ സുരക്ഷാ പഴുതുകളില്ലെന്ന് റിപ്പോർട്ട് ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.